Song of Solomon 5
Эр 1Сесерлиимче кирип келдим, душтуум дуңмай a,мирра биле чаагай чыттыг үнүштерим b чыып алдым.
Ары өөнде ары чигирин чип алдым,
сүт биле араганы ижип алдым c.
Кыстың эш-өөрү Эш-өөр, дойлаңар-ла, ынакшылды эзиртир ижиңер-ле!
Бүтпээн болчаг
Кыс 2Удуй бердим, а чүрээм одуг...Эргимимниң үнү-дүр! Эжиимни ол соктап тур d:
«Амыраам дуңмай, көге-бугам,
тергиин дээн чарашпайым, ажыдып көр!
Бажымда шалың дүшпээн кургаг чер чок,
бажым дүгүн дүнеки туман өттүрүп каан».
3Хевим уштуп алдым,
ону катап кедер мен бе?
Буттарымны чуп алдым,
катап хирлендирер мен бе?
4Эргим эжим эжик үдүнче холун супту,
олче уткуй ишти-хөңнүм кыймыш кынды.
5Эргимимге эжиим ажып туруп келдим,
холумдан мирра үзү дамдылады,
салааларымдан дээк тудазынче мирра агып турду.
6Эргимимге эжиим ажыдып бердим,
а эжим хая көрнүп, чоруй барган, чогул!
Сеткил-сагыжым ону күзээш, сарыннаан ▼
▼ Азы: «Ол чугаалап турда, сеткил-сагыжым хоруй берген».
.Дилеп-ле турдум – тыппайн бардым,
кый дээримге, ол меңээ харыы бербээн! f
7Хоорай эргип чоруп турар таңныылдарга таварыштым g –
олар мени балыгландыр эттеп кагды;
хоорайның ханаларын таңныылдааннар
эштип чораан шывыым ушта тыртып алды.
8Иерусалим кыстары, эргимимге ужурашкаш, чүү дээр силер?
«Ынакшылдан хинчектенип-ле тур» дээрин h даңгыраглап көрүңерем! i
Кыстың эш-өөрү 9Херээженнерниң эң-не чаражы кыс j,
өскелерге деңней көрзе, эргим эжиң кандыг кижил?
Бистен ындыг даңгыракты алыр хире,
өскелерге деңней көрзе, эргим эжиң кандыг кижил?
Кыс 10Эргим эжим чырык шырайлыг, долбан чаактыг,
түмен кижи аразында онзагай эр!
11Ооң арны – арыг алдын, бажының дүгү дыдыраш боорда,
каарган ышкаш кап-ла кара.
12Карактары – аккан сугда көге-бугалар дег k,
сүтте эштип, долу суглуг хөөлбек кыдыында олурар.
13Чаактары – чаагай чыдын айдызаан үнүштер тараан чалдар-ла.
Эриннери – мирра үзү дамдылай аккан кызыл лилиялар.
14Холдары – эртине даштар дизе кадаан алдын будуктар,
ишти – сапфир-биле хоолап каастаан
чаан сөөгүнден кылган тураскаал-ла;
15Буттары – алдын дөжектерде тургускан маны даш чагылар-ла,
хевир-шырайы – Ливан даг дег, пөштер ышкаш кайгамчыктыг.
16Ооң аксы – тааланчыг, бүгү боду – сеткил хандырар!
Иерусалим кыстары, эргимим эр ындыг кижи,
мээң эжим ындыг кижи!
Copyright information for
TyvTUV