Song of Solomon 6
Кайгамчык чараш душтук кыс
Кыстың эш-өөрү 1Херээженнерниң эң-не чаражы кыс a,эргим эжиң кайнаар барды, кайы угже чорувутту?
Кады дилеп көрээлем че!
Кыс 2Эргим эжим сесерлиинче b,
чаагай чыттыг үнүштер тараан черже чоруй барган,
ол аңаа кодан малын кадарар, лилияларны бодунга чыып аар.
3Мен – эргимимнии мен c, а эргимим – мээңии,
лилиялар аразынга ол кодан малын кадарар d.
Эр 4Амыраам, Тирца ▼
▼ Тирца – дорт очулдурарга, «тааланчыг» азы «чараш» дээн уткалыг аттыг эрте-бурунгу хананей хоорай, бир кезек үеде Соңгу күрүне – Израильдиң найысылалы турган (3 Хаан. 14:17 көр).
ышкаш чараш-тыр сен,Иерусалим дег күзенчиг сен,
тугун көдүрген аг-шериг дег түрлүг сен!
5Мени девидедипкен карактарың чайладып көр.
Бажың дүгү – Галаад даглардан f халчып баткан кодан өшкү-ле g.
6Сээң диштериң – чугган соонда чанып бар чыдар хойлар-ла:
кайызы-даа ийистеп алган,
аразында чааскаан чорууру чок h.
7Баш шывар пөзүң адаанда чаактарың –
гранат чимизиниң ийи чартыы-ла! i
8Хаан алдан кадынныг, сезен кул-кадайлыг,
сан-түң чок кыстарлыг.
9А мээң эжим – тергиин дээн чарашпай,
көге-бугам – дың чаңгыс сен:
төрээн иеңниң чаңгыс уруу,
аваңның ынак кызы сен.
Өөрү кыстар сени көргеш, аажок-ла алдаржыткан;
хаанның кадыннары биле кул-кадайлары
сени көргеш, амыр-чыргалдыг деп мактаан:
10«Хаяалаштыр чырып үнүп кел чыдар,
ай ышкаш каас-чараш, хүн ышкаш аяс чырык,
тугун көдүрген аг-шериг ышкаш түрлүг – кымыл ол?»
Кыс 11Хем кыдыында ногаан шыкты көөр дээш,
виноград сывы частып келгенин,
гранат ыяжы чечектели бергенин көөр дээш j,
тооруктуг сесерликче дүжүп келдим.
12Бодум безин билбейн бардым –
сеткилим мени ноян-биле кады чуузага олуртуп кагды.
Copyright information for
TyvTUV