Song 7 | TyvTUV | STEP | Эглип келем, Суламита , сени топтап көрүп аалы, эглип келем. Эр Суламитаже, Маханаим самынче дег, чүү дээш топтап көөр силер?

‏ Song of Solomon 7

Кыстың эш-өөрү 1 Эглип келем, Суламита ^{▼▼ Суламита – утказы эки билдинмес сөс. «Сулам суур чурттуг кыс» дээн чадавас.},
сени топтап көрүп аалы, эглип келем.

Эр Суламитаже, Маханаим самынче дег,
чүү дээш топтап көөр силер?
2 Ноян кызы, сандалиялыг буттарың кайгамчык-ла чараш-тыр!
Эңмектелген дөңмектериң шевер кижи чонуп кылган каасталга дег.
3 Сээң хиниң – борбак хува:
амданы чаагай арагазы төнмес болзун;
сээң иштиң – лилиялар хаажылаан кызыл-тастың оваазы дег;
4 Ийи эмииң – ийи элик,
чээренниң ийистери дег ^b;
5 сээң мойнуң – чаан сөөгүнден чазаан суурга,
карактарың – Эсевонда Бат-раббим хаалгазының чанында хөлдер,
сээң думчууң – Дамаскыже көрүндүр турар Ливан сын дег;
6 сээң бажың – Кармил даг дег,
бажың дүгү – чидиг хүрең торгу ышкаш –
хаанның чүрээ туттуруп алган.

7 Ынак сарыым, тааланчыг кыс,
кайгамчык-ла чараш-тыр сен, магаданчыың аажок-тур!
8 Сээң сының пальма ышкаш,
эмиглериң ында үнген салбактар дег.
9 Бодалымда ол пальмаже үне берип,
финик чимис салбактарын суйбаксаар мен.

Сээң эмииң – виноград салбаа дег,
сээң тыныжың – яблоксуг.
10 Сээң аксың – амданы чаагай арага дег.

Кыс Ол арага эргим эжимче агып бар чыдар,
удааннарның эриннеринче аяар агар.
11 Мен – эргимимнии мен ^c,
эжим меңээ хандыкшаан.
12 Чоруулу че, эргим эжим, шөлдердиве үне берээл,
хна үнүш аразынга ^{▼▼ Азы: «Суурларга».} хонуп аалы;
13 Эртен эрте чимистиг шөлдерже үне бергеш, көрүп көрээл:
ында сыптар ногаарара берген-дир бе,
чечек бажы чазылган бе,
гранат ыяжы чечектелип турар-дыр бе? ^e
Орта сеңээ ынакшылым хайырлаар мен.
14 Мандрагорлар ^{▼▼ Мандрагор – дазылы кижи мага-бодунга дөмей, чаагай чыттыг үнүш. Чөөн чүк улузу оларны хандыкшыл оттурар шынарлыг кылдыр санап турган (Э. д. 30:14 көр).} чаагай чыдын айдызап тур,
эжиивис чанында хөй-ле чаагай чимистер бар:
чаазын-даа, эргизин-даа сеңээ эккеп чыып бердим,
эргим эжим.