Song of Solomon 8
Ынакшыл өлүм ышкаш күштүг
Кыс 1Авамны ээп өскен акым бооруң кай!Сени даштыгаа уткуп ап,
улуска бактатпайн, ошкап каар ийик мен.
2Төрээн иемниң бажыңынга сени эккээримге a,
мени өөредип каар ийик сен ▼
▼ Азы: «Мени өөредип турган төрээн иемниң бажыңынга сени эккээр ийик мен».
.Амданы чаагай арагам c база гранат чимизим чулуун
ижиртир ийик мен.
3Солагай холуңну сыртанып алдым,
оң холуң-биле мени куспактап чыдыр сен d.
4Иерусалим кыстары, даңгыраглап көрүңер:
одунгалак ынакшылды доюлдуруп, оттурбаңар! e
Кыстың эш-өөрү 5Эргим эжинге чөленип алгаш,
ээн кургаг ховудан үнүп кел чыдар кыс кымыл? f
Кыс Яблок ыяжының адаанга сени оттурдум –
аваң сени аңаа божаан,
төрээн иең сени аңаа божуп-төрээн.
6Мени чүрээңге таңмалаштыр базып ап көр,
салааңга база таңмалыг билзек дег суп ал g.
Ынакшыл өлүм ышкаш күштүг h,
хүннээшкин алдыы оран ышкаш каржы-дошкун i;
ынакшылдың оду өрттендир чиир –
Дээрги-Чаяакчының чалбыыжы ол-дур j;
7үерлээн суглар ынакшылды өжүрүп шыдавас,
хемнер-даа ону хөме албас.
Бодунуң бүгү-ле байлаа-биле ынакшылды садып алыксаан кижиге
бак көрүүшкүн-биле харыылаар.
Кыстың акылары 8Эмиг-төжү ам-даа борбайбаан бичии кыс дуңмалыг бис.
Улус ону кудалап кээрге, дуңмавысты канчаптар бис?
9Бир эвес ол хана турган болза,
мөңгүн суургалардан аңаа бедидир тудуп бээр ийик бис;
бир эвес ол эжик турган болза,
ону пөш ыяш-биле шып каар ийик бис.
Кыс 10Мен – хана мен, эмиглерим – суургалар-ла.
Эргимим менче көргеш, амыр-чыргалының үнер дөзүн көрүп кагды.
11 Ваал-Гамонга Соломоннуң виноград шөлү турган k,
шөлүн ол ажаакчыларга бүзүреп дааскан:
оон дүжүт алган кижи бүрүзү
муң мөңгүн чоосту аңаа төлээр турган.
12А мээң виноград шөлүм бодумда бо-дур:
муң мөңгүннү сен ап ал, Соломон,
а бо ийи чүс чоосту – ооң дүжүдүн кадарган улуска берейн l.
Эр 13Сесерликтерде олурар кыс!
Эш-өөрүң сээң үнүңнү дыңнаалап тур:
меңээ база үнүңнү дыңнадып көр!
Кыс 14Эргим эжим, дүрген келем!
Чаагай чыттыг дагларда деге азы
аныяк хүлбүс ышкаш бооп көрем! m
Copyright information for
TyvTUV