Tit 1 | TyvTUV | STEP

‏ Titus 1

Киирилде сөстер

1 – 2 Бурганның чалчазындан, Иисус Христостуң элчини Павелден байыр. Бурган мени Ооң шилээн улузунуң ^a бүзүрелин шуудадыр дээш, олар Бурганны хүндүлээринче чедире бээр алыс шынны билип ап ^b, мөңге амыдыраар идегелди алзыннар дээш томуйлап каан. Бурган мөңге амыдыралды биске бээрин өртемчейниң тыптыр мурнунда-ла аазаан болгай ^c, а Ол кажан-даа мегелеп көрбээн ^d. 3 Чогуур үе кээрге ^e, Камгалакчы Бурганывыс Бодунуң сөзүн медеглээн, а ону суртаалдаарын Бодунуң айтыышкыны-биле меңээ бүзүреп дааскан ^f.

4 Бүзүреливис дөмей болган алыс шынныг оглум ^g Титке бижидим. Бурган Адавыстан база Камгалакчывыс Христос Иисустан келген авырал ^{▼▼ Өске бурунгу сөзүглелдерде «авырал» деп сөске «өршээл» деп сөстү немээн.} биле амыр-тайбың сеңээ доктаазын!

Титтиң Крит ортулукка ажыл-херээ

5 Мээң сеңээ айытканым дег, чедир кылбаан ажыл-херекти эчизинге чедир кылып, аайлазын дээш, хоорай бүрүзүнге христиан ниитилелдерниң удуртукчуларын томуйлазын дээш ⁱ, сени Критке арттырып каан ийик мен. 6 Удуртукчу улус буруудагы дег чүвези чок, кадайынга өскерилбес ^{▼▼ Азы: «Чүгле чаңгыс катап кадай алган».} боор ужурлуг, а оларның ажы-төлү Бурганга шынчы, самыыраан деп чектетпээн болгаш дыңнангыр боор ужурлуг ^k. 7 Удуртукчуга Бурганның ажылын бүзүрээн болганда, ону буруудаткы дег чүве турбазын. Ол бодун турамык ап чорбас, шугул, арагага сундулуг, содаачы, алыксак-чиксек кижи болбас ужурлуг ^l. 8 Харын ол хүндүлээчел ээ база буян кылырынга ынак, бодамчалыг, чөптүг-шынныг, Бурганны хүндүлеп чурттаар, бодун туттунуп билир кижи боор ужурлуг. 9 Удуртукчу өске улусту алыс шынныг өөредигге сургаар база шынның удурланыкчыларын сойгалаар дээш, аңаа өөредип каан бүзүреп болгу дег шынныг медээден быжыг туттунар ужурлуг.

10 Чүге дээрге эрге-чагырганы хүндүлевес, чалчырааш ^m, өскелерни дуурайлаар улус, ылаңгыя кыртыжап демдектээн кижилер аразында ⁿ, кайы хөй-дүр. 11 Ындыгларның аастарын дуй шавар херек, чүге дээрге олар хууда ажык-кончаа сүргеш ^o, боттарының өөретпес ужурлуг чүүлүн суртаалдап, бүдүн өг-бүлелерни үреп турар-дыр. 12 Оларның боттарының-на бир медээчизи мынча дээн: «Криттиң чурттакчылары черле мегечи, араатанзыг каржы, чалгаа, чазый хейлер!» 13 Ол медээчиниң бадыткалы ылап шын. Ынчангаш бүзүрели алыс шынныг болзун дээш, оларны эң-не шыңгыызы-биле сойгалаар ужурлуг сен ^p. 14 Олар иудей хоозун чугаалар ^q болгаш алыс шындан ойталаан улустуң айтыышкыннарынче кичээнгей салбазыннар. 15 Арыг улуска шупту чүве арыг ^r, а бүзүревээн, үрелген улуска арыг чүү-даа чок – оларның боттарының угаан-бодалы болгаш арын-нүүрү үрелген-дир. 16 Олар: «Бурганны билир бис» – дижирлер, ынчалза-даа ажыл-херээ-биле Ону хүлээп көрбестер-дир ^s. Олар чииртим, дыңнангыр эвес база кандыг-даа буянныг чүүл кылыр харык чок улус-тур.