a1 Тим. 3:11
bЭ. д. 3:16; 1 Пет. 3:1-2; Эф. 5:22; 1 Тим. 2:11
c1 Тим. 5:1
d1 Пет. 5:3; Флп. 3:17; 2 Фес. 3:9; 1 Тим. 4:12
e1 Тим. 5:14
f1 Пет. 2:18; Эф. 6:5; Кол. 3:22; 1 Тим. 6:1
g1 Тим. 2:4
i1 Пет. 4:2
j2 Пет. 1:1
kЕвр. 9:28
lЭф. 2:10; Тит. 3:8
mМф. 20:28
nТит. 1:13
o1 Тим. 4:12

‏ Titus 2

Алыс шынныг өөредиг

1А сен болза чүгле алыс шынныг өөредиг-биле дүгжүр чүүлдү медеглеп чор.

2Кырган эр улус бодун сарыылдыг, төлептиг алдынар, бодамчалыг боор база бүзүрелге, ынакшылга, шыдамык чорукка ыяк белеткенген боор ужурлуг.

3Кырган кадайларга Бурганны хүндүлеп амыдыраарын, хоп-чип таратпазын, арага-дарыже сундулавазын база өске улусту буян кылырынга өөредирин сүмеле a. 4Олар аныяк херээженнерни ашактары болгаш ажы-төлүнге ынак болурунга өөретсиннер.

5Аныяк херээженнер бодамчалыг болгаш төлептиг аажы-чаңныг болзуннар; эки бажың ээлери, буянныг сагыштыг база ашактарын дыңнаар улус болзуннар b. Бурганның медээзин кым-даа дора көрбезин дээш, ону кылзыннар.

6Аныяк эрлерни c бодамчалыг болурунга база ынчаар өөрет.

7Бүгү чүүлдерге: ажыл-үүлеңге, херектериңге бодуңну өттүнер үлегер кылдыр көргүс d, бодуңнуң өөредиглериңге ак сеткилдиг болгаш шыңгыы бооп көр. 8Бисти бактаар чүзү-даа чок болгаш, сеңээ удурланган улус ыядып-човаар кылдыр e, өөредип тура, шын база чемеге онаашпас сөстерни ажыгла.

9Кулдарны ээлеринге бүгү талазы-биле чагыртып f, оларның күзелин хандырарын кызыдар база оларга удур чүнү-даа чугаалавас кылдыр өөрет. 10Кулдар ээлеринден оорланмазын, харын оларга бүрүнү-биле бердингенин көргүссүн. Бистиң Камгалакчы Бурганывыстың өөредии кайы хире магалыг чаагайын улус көрүп каар кылдыр, кулдар боттарын ынчалдыр ап чорзун.

11Чүге дээрге Бурган Бодунуң авыралын бүгү улусту камгалаар дээш g ажыткан-дыр ▼
▼ Азы: «Бурганның камгалал бээр авыралы бүгү улуска ажыттынган-дыр».
. 12Ол авырал бисти Бурганны тоовас чоруктан-даа, делегейден укталган күзээшкиннерден-даа ойталаарынга; i боттарывысты холга ап, амгы бо делегейге Бурганны хүндүлеп, чөптүг-шынныг чурттаарынга өөредип турар. 13Өндүр улуг Бурганывыс болгаш Камгалакчывыс j Иисус Христос өндүр чырыкка бүргеткен чедип кээр деп, чыргалдыг хүннү идегел-биле манап k, ынчаар чурттаар ужурлуг бис. 14Бисти хамык бузут-бактан хостаар дээш, буянныг херектерже чүткүлдүг l, чүгле Аңаа хамааржыр, арыг улус кылып каар дээш, Христос Бодун өргүлге салган m.

15Сен ол бүгүге өөредир, бүгү күш-биле улусту сорук киирер, сойгалаар ужурлуг сен n. Сени херекке албайн баар кижи турбазын o.
Copyright information for TyvTUV