Zec 10 | TyvTUV | STEP | Чазын Дээрги-Чаяакчыдан чаъс дилеп, мөргүңер. Ол диңмирээшкин-кызаңнаажын чайыннадып, силерге суггур чаъс чагдырып бээр , кижи бүрүзүнге шөлге чемниг үнүш хайырлаар.

fЫд. ыр. 117:22

g 2 Хаан. 22:43; Ыд. ыр. 17:42; Мих. 7:10

h Иоил 2:23; Авв. 3:18

i Иса. 49:19; Иез. 36:11

j Иса. 11:11-12; 27:13; Ос. 11:11; Мих. 7:12

k Иса. 49:20

l Иез. 30:13

‏ Zechariah 10

Иудея биле Израильдиң катап тургустунары

1 Чазын Дээрги-Чаяакчыдан чаъс дилеп, мөргүңер. Ол диңмирээшкин-кызаңнаажын чайыннадып,
силерге суггур чаъс чагдырып бээр ^a,
кижи бүрүзүнге шөлге чемниг үнүш хайырлаар.
2 Дүрзү-бурганнар хоозун чүве чугаалаар ^b,
караң көрнүрлер хей-куруг көстүүшкүннер көрүп, меге дүштерин чугаалаар ^c;
оларның аргалалы хей болур.
Ынчангаш улус-чон хойлар дег тояап, кадарчызы чогундан түреп чоруур ^d.

3 «Чоннуң кадарчыларынче Мээң килеңим кыптыкты,
улус-чоннуң хуналарын кезедир мен ^e,
чүге дээрге Аг-шериглиг Дээрги-Чаяакчы Мен
Бодумнуң коданым – Иудеяның чонунче сагыш салып,
ону көрүштүг дайынчы аъдым дег кылып аар мен.
4 Иудеядан бажыңның таваанга салыр эң кол даш ^f,
чадырның өргени, дайылдажыр ча-согун – бүгү чагырыкчылар үнер.
5 Олар шупту, тулчуушкун үезинде дайынчылар дег,
дайзыннарын кудумчуда малгаш ышкаш таптай базар ^g;
олар дайылдажып, аъттыг шериглерни безин ажып-тиилээр,
чүге дээрге Дээрги-Чаяакчы олар-биле кады болгай.
6 Иуданың салгалын быжыглаар мен,
Иосифтиң салгалын камгалаар мен.
Оларны Мен чандырар мен, чүге дээрге кээргей бердим.
Олар Меңээ кажан-даа кагдырбаан ышкаш боор.
Оларның Бурганы Дээрги-Чаяакчы – Мен болгай мен, оларга харыы бээр мен.
7 Израильчилер маадырлар дег боор,
оларның чүректери арага ишкенде дег хөглүг апаар.
Оларның ажы-төлү ол бүгүнү көргеш, өөрүүр,
оларның чүректери Дээрги-Чаяакчыга хамааржыры дээш өөрүп-байырлаар ^h.
8 Мен оларже сыгырып имнээш, чыыптар мен;
оларны хостап аар болгай мен,
олар биеэде дег хөй санныг болур ⁱ.
9 Мен оларны өске чоннар аразынче тарадып каапкан-даа болзумза,
олар Мени ырак чурттарга-даа сактып кээр.
Олар-даа, ажы-төлү-даа дириг артып, чанып кээр.
10 Чонумну египет черден чандыргаш, Ассириядан чыып алгаш,
Галаад болгаш Ливанче эккээр мен ^j –
аңаа оларның шуптузун сыңырар чер чок болур ^k.
11 Олар кызагдаашкын далайын кеже бээр,
хайнып-мөөрээн далайны томаартып каар.
Нил хемниң ээремнери кургап каар,
турамык Ассирия куду көрдүрер,
Египеттиң эрге-чагыргазының төнчүзү кээр ^l.
12 Мен чонумну Дээрги-Чаяакчы-биле харылзаазының ачызында быжыглап каар мен,
олар Мээң адымга чагыртып, амыдыраар».
Дээрги-Чаяакчының медеглээн чүвези ол-дур.