Zechariah 2
Үшкү көстүүшкүн: Иерусалимни хемчээксээр кижи
1Мен катап база топтап көргеш, холунда чер хемчээр хендир туткан кижини эскерип кагдым a. 2«Кайнаар бар чыдыр сен?» – деп айтырдым. Ол: «Иерусалимниң доора база узун дуртун билип аар дээш, ону хемчээрим ол-дур b» – деп харыылады. 3Оон дээрниң мээң-биле чугаалажып турган төлээзи бурунгаар чоруптарга, өске төлээзи аңаа уткуштур үнүп келди. 4Бирги төлээ ийигизинге мынча дээн: «Маңнап баргаш, дуу ол аныяк оолга мынча де: „Чурттакчы чону, мал-маганы хөй болгаш c, Иерусалим ханаларынга сыңмас хоорай апаар ▼▼ Азы: «Иерусалимчилер чоок-кавы көдээ черлерге, суурларга безин чурттай бээр».
. 5Мен Бодум хоорайны долгандыр турар оттуг хана боор мен – деп, Дээрги-Чаяакчы медеглеп тур. – Өндүр чырыымны ооң ортузунга көргүзер мен e“». Бурганның Бодунуң чонун кыйгырганы
6«Эйт, эйт! Соңгу чүкте чурттан бээр дезип маңнажыңар! f Силерни дээрниң дөрт хады-биле тарай шаапкан болгай мен g – деп, Дээрги-Чаяакчы медеглээн. – 7Эйт, Вавилонда чурттап турар Сионнуң чону, ол хоорайдан адырлып үнүңер h». 8Чүге дээрге Аг-шериглиг Дээрги-Чаяакчы силерни олчалап ап турган чоннарга хамаарыштыр (алдарлыг Бурган мени айбылап чоруткан соонда) ▼▼ Бо домактың утказы эки билдинмес. Болгу дег өске утказы мындыг: «Ол мени алдаржызын дээш айбылап чоруткан».
мынча дээн: «Мээң чонумга дээп турар улус Мээң караамның огунга дээп турары ол-дур j. 9Мен оларже холумну анныр мен, олар ынчан боттарының кулдарының олчазы апаар k». (Ынчан мени Аг-шериглиг Дээрги-Чаяакчының чорутканын билип аар силер l.) 10«Сион-кыс, ырлап, өөрүп-байырла! m Мен чедип келгеш, силерниң араңарга чурттай бээр мен n – деп, Дээрги-Чаяакчы медеглээн. – 11Ол хүн хөй чоннар Дээрги-Чаяакчы Меңээ каттыжып кээп o, Мээң чонум апаар. Иерусалимниң чону, Мен силерниң араңарга чурттай бээр мен». (Ынчан мени силерже Аг-шериглиг Дээрги-Чаяакчының чорутканын билип аар силер.) 12Дээрги-Чаяакчы ыдыктыг чер-чуртка Иудеяны Бодунуң хувааглыг чери кылдыр ээлеп аар p, Иерусалим катап база Ооң шилиттинген хоорайы боор q. 13Кижи амытан бүрүзү Дээрги-Чаяакчының мурнунга ыыды чиде берзин! Чүге дээрге Ол туруп келгеш, Бодунуң ыдыктыг чурттаар черинден кел чыдар-дыр.
Copyright information for
TyvTUV