Zec 9 | TyvTUV | STEP | Өттүр билген медеглел. Дээрги-Чаяакчының сөзү бо-дур. Ол Хадрах деп черге удур болур база Дамаск хоорайга турумчуп алыр, чүге дээрге Дээрги-Чаяакчының караа , Израильдиң шупту аймактарынче дег, бүгү улус-чоннарже көрүп турар

‏ Zechariah 9

Бурганның караа бүгү чоннарже көрүп турар

1 Өттүр билген медеглел. Дээрги-Чаяакчының сөзү бо-дур.

Ол Хадрах деп черге удур болур база Дамаск хоорайга ^a турумчуп алыр,
чүге дээрге Дээрги-Чаяакчының караа ^b,
Израильдиң шупту аймактарынче дег, бүгү улус-чоннарже көрүп турар ^{▼▼ Азы: «Дээрги-Чаяакчыже, Израильдиң шупту аймактары дег, бүгү улус-чоннар көрүп турар».} –
2 Дамаск-биле кызыгаарлашкак черлиг Хамат хоорайже-даа,
улуг мергежилдиг Тир, Сидон хоорайларже-даа көрүп турар.
3 Тир бодунга шивээ тудуп алган,
мөңгүннү доозун дег хөй кылдыр,
алдынны – малгаш дег эңдерик кылдыр чыып алган ^d.
4 Көрүңер, Дээрги ооң байлаан былаап аар,
күчү-күжүн далайга узуткап каар.
Тир боду отка өрттенип каар ^e.
5 Ол бүгүнү көргеш, Аскалон хоорай коргуушкунга алзыптар,
Газа хоорай кортканындан сириңейни бээр,
Экрон хоорай база, чүге дээрге ооң идегели ышкындырган-дыр.
Газага хаан турбас апаар, Аскалон ээнзирээр ^{▼▼ Ол хоорайлар филистим чонга хамааржып турган (Ам. 1:6-8; Соф. 2:4 көр).}.
6 Азот хоорайга сурас өгбеден укталган улус-чон кээп чурттай бээр.
Мен филистимнерниң турамыын сый шавар мен.
7 Оларның аксындан ханныг эът-чемни ^g,
диштеринден – чүдек-бужар аъш-чемни ушта тыртар мен.

Филистимнерниң артынчызы база бистиң Бурганывыска хамааржып,
Иудеяның бир аймаа дег ^{▼▼ Азы: «Иудеяда баштыңчы дег».} апаар,
а Экрон хоорай иевус чон дег апаар ^{▼▼ Давид хаан иевустарның хоорайын эжелеп алган соонда, олар иудейлер-биле холужуп калган чадавас (2 Хаан. 5:6-9 көр).}.

8 Мен Бодумнуң чуртумну таварты эртип турар аг-шеригге удур
камгалал бооп туруп аар мен.
Моон соңгаар кандыг-даа кызагдакчы олап эртпес,
чүге дээрге Мээң караам ол бүгүже көрүп турар.

Келир үедеги хаан болгаш камгалал

9 Сион-кыс, өөрүп-хөгле,
Иерусалим-кыс, амырап-байырла-ла! ^j
Көр даан, хааның сенче кел чыдыр:
чөптүг, тиилелгелиг ^{▼▼ Өске бурунгу сөзүглелде «Камгалакчы» деп бижээн.}, биче сеткилдиг хаан
элчиген, кыс элчиген оглу мунуп алган кел чыдыр ^l.
10 Мен Израильде дайынчы тергелерни,
Иерусалимде дайынчы аъттарны узуткап каар мен ^m,
дайынчы ча-согун база узуткаттырар.
Ол хаан өске чоннарга амыр-тайбыңны медеглээр,
бир далайдан өске далайга чедир,
Евфрат хемден чер-делегейниң ужу-кыдыынга чедир чагырар ⁿ.

11 Сион-кыс, сеңээ хамаарыштыр.
Мээң сээң-биле чарып, хан-биле күштүг болдурган чагыг-керээмни бодааш ^o,
сээң туттурган улузуңну суг чок оңгардан хостаар мен ^p.
12 Ам идегели бар апарган туттурган улус, шивээңерже чана бериңер,
чидирииңерни ийи катап хөй кылдыр эгидип бээримни ^q
бөгүн силерге медеглеп тур мен.
13 Иудеяны ча дег кылдыр хере тырткаш,
Израильди согун кылдыр салып аар мен.
Сион, сээң оолдарыңны дайынчы хылыш дег көдүрер мен;
грек чон ^r, оларны сээң оолдарыңга удур көдүрер мен.
14 Дээрги-Чаяакчы чонунуң кырынга көстүп кээр,
Ооң согуну чаңнык дег кызаш дээр ^s.
Дээрги-Бурган-Чаяакчы труба этсир,
мурнуу чүктен хадаан шуурган-биле чедип кээр ^t.
15 Аг-шериглиг Дээрги-Чаяакчы чонунга дозуг-камгалал дег боор;
олар дайзыннарынче даш шывадаар, өжээтеннерин сыырыптар;
олар арага ишкен улус дег шимээргээр ^{▼▼ Өске бурунгу сөзүглелде «Олар дайзыннарының ханын арага дег ижер» деп бижээн.} база
хан кудар аяктар дег, өргүл бедигээжиниң азыглары дег, дола бээрлер.
16 Израильчилерниң Бурганы Дээрги-Чаяакчы ол хүн оларны камгалаар,
Бодунуң чонун, кодан хою дег ^v, камгалаар.
Олар Ооң черинге оваадайда улуг үнелиг даштар дег чайынналыр ^w.
17 Ооң чону кайы хире ачылыг, кайгамчык чараш бооп көстүрүл!
Далган-тараадан, виноград чулуундан аныяк оолдар-кыстар чечектелир.