Zechariah 13
Арыглаашкын хүнү
1«Ол хүн Давидтиң салгалынга база Иерусалимниң чурттакчыларынга суг бажы аттыгып үнгеш, оларны бачыттан база бужар-багындан арыглап чуур a. 2Ол хүн Мен чер кырындан дүрзү-бурганнарның аттарын узуткап кааптар мен, оон ыңай улус оларны сагынмас апаар b – деп, Аг-шериглиг Дээрги-Чаяакчы медеглээн. – Ол ышкаш бо черден меге медээчилерни база буктарны ▼▼ Азы: «Бужар сеткил-хөөннү».
ырадып кааптар мен. 3А бир эвес кандыг-бир кижи өттүр билип медеглээрин уламчылаар болза, ооң төрээн ада-иези аңаа: „Дээрги-Чаяакчының адын тудуп, мегелеп турарың дээш, өлүр ужурлуг сен“– дээш, ол кижи өттүр билип медеглеп турда, ону өттүр шанчып каар d. 4Ол хүн ындыг бүдүү билирлер боттарының медеглээн көстүүшкүннеринден ыядып човай бээр e; олар улус мегелээри-биле Бурганның медээчизиниң селбегер бөдүүн хевин f кетпес. 5Оларның кайызы-даа: „Мен дээрге Бурганның медээчизи эвес мен, тараачын кижи мен, аныяамдан-на чер ажылы кылыр салым-чолдуг болган мен ▼▼ Азы: «Аныяамда мени кулданыышкынче садыпкан».
“– дээр. 6Улус оон: „А чүге сээң хөрээңде сорбулар бар чүвел?“– деп айтырарга ▼▼ Өске бурганнарга мөгеерде, оларның медээчилери чамдыкта боттарының мага-бодун балыглап аар турган (3 Хаан. 18:28 көр).
, ол кижи: „Ол балыгларны эш-өөрүмнүң бажыңынга алган мен“– деп харыылаар». Кадарчыны соп каан, кодан хой тарай берген
7«Хылыш, Мээң томуйлаан кадарчымче,Мээң чоок кижимче халда! – деп, Аг-шериглиг Дээрги-Чаяакчы медеглээн. –
Кадарчыны соп каарыңга, хойлар тарай маңнажы бээр! i
А хураганнарже Мен Бодумнуң холумну көдүрер мен.
8Бүгү чурттуң чонунуң үштүң ийи кезии кырдырып аар,
а үштүң бир кезии дириг артар – деп, Дээрги-Чаяакчы медеглээн. –
9Чоннуң арткан кезиин отче киирер мен;
оларны мөңгүн ышкаш эзилдирип, шылгаар мен,
алдын ышкаш арыглаар мен j.
Олар Мээң адымны кыйгырып, Меңээ мөргүүрге,
оларга харыылаар мен: „Бо Мээң чонум-дур“– дээр мен.
А олар: „Дээрги-Чаяакчы – бистиң Бурганывыс!“– дээр k».
Copyright information for
TyvTUV