Zechariah 4
Бешки көстүүшкүн: алдын чырыткы болгаш ийи олива ыяжы
1Мээң-биле чугаалажып турган дээрниң төлээзи ээп келгеш, мени, удаан кижини дег, оттурупту a. 2Ол менден: «Чүнү көрүп тур сен?» – деп айтырды. Мен: «Алдын чырыткы көрүп тур мен b. Ооң кырында олива үзү кудар саважыгаш болгаш чеди дең тур. Дең бүрүзүнде чеди хоолайжыгаш бар-дыр. 3Оон ыңай чырыткының чанында ийи олива ыяжын көрүп тур мен c: бирээзи саважыгаштың оң талазында, өскези солагай талазында тур» – деп харыыладым. 4Мээң-биле чугаалажып турган дээрниң төлээзинден: «Бо чүү деп чүвел, дээргим?» – деп айтырдым. 5Дээрниң төлээзи: «Бо чүү деп чүвел дээрзин билбезиң ол бе?» – деп удур айтырды. «Билбес мен, дээргим» – деп харыыладым. 6Ынчан ол меңээ мынча диди: «Дээрги-Чаяакчының Зоровавелге d чугаалаан сөзү бо-дур e: чедимче күчү-күштүг шеригден эвес, а Мээң Сүлдемден кээр f – деп, Аг-шериглиг Дээрги-Чаяакчы чугаалаан. – 7Сен чүү сен, өндүр бедик даг? Зоровавелдиң мурнунга оргулааш апаар сен! Ол Бурганның өргээзиниң эң кол дажын салып каарга g, улус: „Бурганның ээ көрнүүшкүнү ында-дыр! ▼▼ Азы: «Магалыг чаагайын!»
“– деп алгыржы бээр». 8Дээрги-Чаяакчы меңээ Бодунуң сөзүн ажыткан: 9«Зоровавелдиң холдары бо өргээниң таваан салган i, база-ла ооң холдары ону тудуп доозар. (Ынчан мени силерже Аг-шериглиг Дээрги-Чаяакчының чорутканын билип аар силер j.) 10Бичии эгелээшкиннер хүнүн кым херекке албазыл? k Улус Зоровавелдиң холунда тудугга ажыглаар херексел көргеш, өөрүп-байырлаар. А демги чеди дең Дээрги-Чаяакчының бүгү чер-делегейни эргий көрүп турар карактарынче айтып турар l». 11Мен ынчан дээрниң төлээзинден: «Чырыткының оң болгаш солагай талазында ийи олива ыяжы чүнү көргүзүп турары ол?» – деп айтырдым. 12Оон ыңай: «Олива ыяштарында ийи будук бар, ол будуктар ийи алдын хоорза дамчыштыр суук алдын ▼▼ Азы: «Алдынналчак олива үзүн».
үндүр аксып турар. Ол чүү деп чүвел?» – деп айтырдым. 13Төлээ харыызынга: «Оларның чүнү көргүзүп турарын билбес сен бе кай?» – деп айтырды. «Билбес мен, дээргим» – деп харыыладым. 14Ынчан ол: «Бо ыяштар дээрге бүгү чер-делегейниң Чагырыкчызынга n бараан болуп турар, олива үзү-биле шилип чаап каан ийи кижи-дир» – диди.
Copyright information for
TyvTUV