aЗах. 1:1, 7
bНеем. 1:1
dИер. 25:11; 29:10; Дан. 9:2; Зах. 1:12
eИса. 58:5
fИса. 1:17; Иер. 21:12; Мих. 6:8
gХост. 22:21-22; Ы. х. к. 27:19; У. ч. 22:22
hЗах. 8:17
iИез. 3:9
jУ. ч. 1:24-28; Иса. 1:15; Иер. 11:11
kЛев. 26:33

‏ Zechariah 7

Чөптүг чорук болгаш энерел шээрлээшкинден херектиг

1Персияның хааны Дарийниң чагыргазының дөрткү чылында a, Кислев деп тоску айның b дөртте Дээрги-Чаяакчы Бодунуң сөзүн Захарияга ажыткан. 2Ол үеде Вефилдиң чурттакчылары Сарецер биле Регем-Мелех деп ийи кижини боттарының улузу-биле кады Дээрги-Чаяакчыдан ээ көрүүшкүн дилеп мөргүзүн дээш чорудупкан. 3Олар Аг-шериглиг Дээрги-Чаяакчының өргээзинде турар Ооң бараалгакчызындан база Ооң медээчилеринден: «Хөй чылдар дургузунда кылып турарывыс дег, чылдың-на беш айда качыгдап ыглап-сыктап, шээрленирин уламчылаар бис бе?» ▼
▼ Бурганның өргээзин болгаш Иерусалимни үрегдеп, өрттеткенин демдеглээн шээрлээшкинни доктаадып каарга, чон ону Вавилонга туттуруушкун үезинде база оон ээп келгеш-даа, чылдың-на сагып кылып турган.
 – деп айтырар ужурлуг турган.

4Аг-шериглиг Дээрги-Чаяакчы Бодунуң сөзүн меңээ ажыткан: 5«Чурттуң бүгү чонундан база Бурганның бараалгакчыларындан айтырып көр: сөөлгү чеден чыл дургузунда d беш айда база чеди айда шээрленип, качыгдап ыглап-сыктап тура, Мени дээш ынчаар кылып турган силер бе? e 6А аштанып-чемненип тура, боттарыңар дээш дойлап турбаан силер бе? 7Дээрги-Чаяакчы ол-ла сөстерни, кажан Иерусалим болгаш ооң чоок-кавызында хоорай-суурлар чурттакчылыг, амыр-шөлээн турда, Негев болгаш Шефела деп девискээрлер чурттакчы чоннуг турда, биеэде турган медээчилерин дамчыштыр чугаалап турган эвес чүве бе?»

8Дээрги-Чаяакчы Бодунуң сөзүн Захарияга ажыткан: 9«Аг-шериглиг Дээрги-Чаяакчының чугаалаан чүвези бо-дур: чөптүг-шынныг шииткелден кылыңар, бот-боттарыңарга энерелдиг, кээргээчел сеткилдиг болуңар f. 10Дулгуяк херээженни, өскүс кижини, даштыкы кижини болгаш ядыы кижини кызагдаваңар g, сеткил-чүрээңерге бот-боттарыңарга удур кара сагыш тывылбазын h.

11Ынчалза-даа чонум Мени тооп дыңнаарындан ойталап, хая көрнү берген, дыңнавас дээш кулактарын дуглап алган. 12Олар чүректерин алмаз ышкаш кадыг кылып алган i, ыдыктыг хоойлуну база Аг-шериглиг Дээрги-Чаяакчының Бодунуң Сүлдези-биле биеэги медээчилерни дамчыштыр чорудуп турган сөстерин тооп дыңнавайн барган. Ынчангаш Аг-шериглиг Дээрги-Чаяакчы Мен оларже аажок килеңней берген мен.

13Оларны кыйгырып турумда, тооп дыңнавас болду, ынчаарга олар кыйгырарга, Мен база дыңнаваан мен j – деп, Аг-шериглиг Дээрги-Чаяакчы чугаалаан. – 14Мен оларны билбес чорааны бүгү чоннарже тарадыр хадыдыптым. Оларның соонда чер-чурту ээнзиреп, ону тавартыр кым-даа ыңай-бээр чорбас апарган k. Олар ынчалдыр боттарының кайгамчык чараш черин ээн куруг кылып алган».
Copyright information for TyvTUV