1 Chronicles 16:23-33
23Бүгү чер-делегей, Дээрги-Чаяакчыны алгап ырла,хүннүң-не Ооң камгалалын медээлеңер!
24Шупту чоннарга – Ооң алдарын,
бүгү аймактарга – Ооң кылган кайгамчык чүүлдерин чугаалап чедиңер a.
25Дээрги-Чаяакчы өндүр улуг база макталга төлептиг b,
өске бурганнардан артык коргунчуг болгай c.
26Өске чоннарның бурганнары шуптузу хоозун дүрзүлер-дир,
а Дээрги-Чаяакчы дээрлерни чаяаган болгай d.
27Чайынналчак мактал-хүндү – Ооң мурнунда,
күчү-күш болгаш өөрүшкү – Ооң турар черинде.
28Чоннарның аймактары, Дээрги-Чаяакчыны мактаңар,
Ооң алдары биле күчү-күжүн мактаңар; e
29Дээрги-Чаяакчының алдарлыг адын алгаңар,
өргүлдериңер ап алгаш, Ооң мурнунче кирип келиңер.
Дээрги-Чаяакчы Бодунуң ыдыктыг өргээзинге турда,
Аңаа мөгейиңер.
30Бүгү чер-делегей, Ооң мурнунга коргуп сириле!
Ол өртемчейни быжыг үндезинде тургузуп каан –
тендиш дивес-тир.
31Дээрлер өөрүп-хөглезин, чер-делегей өөрүп-байырлазын f.
Чоннар аразынга: «Дээрги-Чаяакчы хааннап турар!» дишсиннер g.
32Далай болгаш ону долган бүгү чүве шимээргеп доюлзун h,
хову-шөлдер болгаш ында амыдыраан бүгү чүве өөрүзүн.
33Арга-эзимде ыяштар Дээрги-Чаяакчының мурнунга өөрүп ырлашсын,
Ол чер-делегейни шын шиидер дээш кел чыдар болгай i.
Copyright information for
TyvTUV