dЫд. ыр. 76:12-13
1 Chronicles 16:8-22
8Дээрги-Чаяакчыга өөрүп четтириңер,Ооң адын адап, мактаңар,
өске чоннарга Ооң ажыл-херектерин медээлеңер; a
9Ону алгап ырлаңар, Аңаа ырлап бериңер;
Ооң кылган бүгү кайгамчык чүүлдерин чугаалап бериңер b.
10Ооң ыдыктыг ады дээш чоргаараңар;
Дээрги-Чаяакчыже чүткүп чоруур улустуң
сеткил-сагыжы өөрүп-хөглезин.
11Күчүлүг Дээрги-Чаяакчыны эдериңер,
Ооң-биле үргүлчү кады турар дээш чүткүңер c.
12– 13Дээрги-Чаяакчының чалчазы Израильдиң үре-салгалы,
Иаковтуң салгалы, Бурганның шилип алган улузу!
Ооң кылган кайгамчык чүүлдерин, Ооң көскү демдектерин,
Ооң аксындан үнген шын шииткелдерин сактып чоруңар d.
14Ол дээрге бистиң Бурганывыс, Дээрги-Чаяакчы-дыр:
бүгү чер-делегейде Ооң шын шииткелдери бар e.
15Ооң берген чагыг-керээзин – чоннуң муңгу салгалынга чедир f
чагаан сөзүн кезээ мөңгеде сактып чоруңар.
16Ол ону Авраам-биле чаргаш,
Исаакка Бодунуң даңгыраан берген g.
17Ол ону Иаковка дүрүм-хоойлу кылдыр доктааткаш,
Израильге мөңге чагыг-керээ кылдыр быжыглаан:
18«Сеңээ өнчү кылдыр ханаан черни бээр мен» h.
19Өгбелериңер аажок эвээш санныг, көңгүс хөй эвес турда,
олар Ханаанга өскээртен келген улус турда i,
20олар бир чондан өске чонче,
бир күрүнеден өске аймактың күрүнезинче көжүп чоруп турда,
21Бурган оларны дарлаар арганы кандыг-даа кижиге бербейн,
хааннарны олар дээш чемелеп j:
22«Мээң шилип алган улузумга дегбеңер,
Мээң медээчилеримге k багай чүве кылбаңар!» – деп турган.
Copyright information for
TyvTUV