1 Chronicles 2:18-24
Хецроннуң база Халевтиң үре-салгалы
18Хецроннуң оглу Халевтиң бодунуң кадайы Азувадан (Иериофадан база) оолдары бо-дур: Иешер, Шовав база Ардон. 19Азува өлүп каарга, Халев Эфратаны кадай кылдыр ап алган. Ол аңаа Хур деп оолду божуп берген. 20Хурнуң оглу Урий, Урийниң оглу Веселиил болган a. 21Оон Хецрон алдан харлыг тургаш, Галаадтың адазы Махирниң b уруу-биле холбашкан. Ол Хецронга Сегув деп оол божуп берген. 22Сегувтан Иаир төрүттүнген. Галаад черге ол чээрби үш хоорайлыг турган c. 23Ынчалза-даа гессурлар болгаш арамейлер ол черге алдан хоорайны эжелеп алган d. Ол хоорайларның аразында Иаирниң хоорай-суурлары, Кенат хоорай болгаш аңаа хамааржыр хоорай-суурлар бар турган. Аңаа чурттап турган улус шуптузу Галаадтың адазы Махирден укталган. 24Хецроннуң Халев-Эфрата деп черге өлгениниң соонда, ооң кадайы Авия Ашхурну божаан. Ашхур дээрге Текояның үндезилекчизи-дир e.
Copyright information for
TyvTUV