1 Chronicles 21:1-6
Израиль чоннуң чизезин кылганы
(2 Хаан. 24:1-9)
1 Эрлик a израиль чонга удурланып, Давидти израильчилерниң чизезин кылыры-биле көгүдүп каан. 2Давид Иоавка болгаш чоннуң баштыңчыларынга: «Баргаш, Дан хоорайдан Беэр-Шева хоорайга чедир b израиль чонну санап эккеп бериңер. Мен чоннуң санын билип алыксап тур мен» – дээн c. 3Иоав аңаа мынча деп харыылаан: «Дээрги-Чаяакчы Бодунуң чонунуң санын чүс катап көвүдетсин d. Олар шупту мээң дээрги хаанымның чалчалары эвес ийик бе? Мээң дээргим чүге ону ынчаар кылыксап турарыл? Хаанның Израильге кем-буруу халдаткан херээ чүл?» 4Ынчалза-даа хаанның сөзү Иоавка күштүг болган. Иоав бүгү Израильди эргип кезээш, Иерусалимче ээп келгеш, 5Давидке чизениң түңнелин берген. Бүгү Израильде хылыш тудуп шыдаар эр улустуң саны 1 100 000 кижи болган, а Иудеяда хылыш тудуп шыдаар эр улус – 470 000 кижи болган e. 6Ынчалза-даа Иоав ниити даңзыже Левий болгаш Вениаминниң аймактарын киирбээн f, чүге дээрге хаанның дужаалынга ол шуут таарзынмаан.
Copyright information for
TyvTUV