1 Corinthians 13:4-13
4Ынакшыл шыдамык-даа, буянныг-даа. Ол адааргаачал, мактаныычал, адыыргак эвес. 5Ол дүктүг арынныг болбас, бодунга ажык сүрбес, хорадаачал эвес база хомудал шыгжап чорбас. 6Ынакшыл бузут дээш өөрбес, а алыс шын-биле деңге өөрүүр. 7Ол чүү-даа чүвени шыдажып эртер. Ооң бүзүрели, идегели, шыдамык чоруу кажан кезээде хевээр артар. 8Өттүр билген медеглелдер чиде бээр, билдинмес дылдарга чугаалаар арга төне бээр, билигниң херээ чок апаар, а ынакшыл кажан-даа төнүп читпес. 9Чүге дээрге бистиң билиивис долу эвес, өттүр билип медеглээривис база долу эвес. 10А бүрүн долу чүүл чедип кээрге, долу эвес чүүлдер чиде бээр. 11Чаш уруг турар шаамда, чаш уруг дег чугаалап, чаш уруг дег угаап-бодап турган мен a. А чедишкен улуг кижи апаргаш, чаш уругларзыг бүгү чүүлдү соомда каапкан мен. 12Ам бис бүгү чүвени бүлүргей көрүнчүкте дүрзүнү дег көрүп турар бис, а ынчан чиге көөр апаар бис b. Ам мээң билиим долу эвес-тир, а ынчан, Бурганның мени билири дег c, мээң билиим база сайзыраңгай апаар. 13Ынчаарга ам кезээ шагда артып каар үш чүүл: бүзүрел, идегел, ынакшыл бар. Ынчаарга оларның эң чугулазы – ынакшыл.
Copyright information for
TyvTUV