1 Samuel 19:11-17
11Саул айбычыларын Давидтиң бажыңынче чорудупкаш, ону кедеп тургаш, эртен өлүрүп кааптарын дужааган a. Ынчан Давидтиң кадайы Мелхола b: «Сен бо дүне амы-тының камгалап, чашты бербес болзуңза, эртен өлүртүп аар сен» – дээн. 12Мелхола Давидти соңгадан үндүрүптерге, ол амы-тынын камгалап дезе берген c. 13Мелхола дүрзү-бурганны алгаш, орунунга чыттыргаш, ооң бажынга өшкү кежи салгаш, хеп-биле шуглап каан. 14Саул Давидти эккелзин дээш айбычыларын чорудуптарга, Мелхола: «Ол аарып турар» – дээн. 15Саул айбычыларын Давидти дилеп тывары-биле катап чорудупкаш: «Ону өлүрер кылдыр орун-дөжээ-биле кады эккелиңер» – дээн. 16Саулдуң айбычылары чедип келгеш көөрге, орунда дүрзү-бурган, а ооң бажында өшкү кежи чыткан. 17Саул Мелхоладан: «Чүге мээң дайзынымны дестирип чорудупкаш, мени мегелээниң ол?» – деп айтырган. А Мелхола ачазынга: «Ол меңээ: „Мени салбас болзуңза, сени өлүрүп кааптар мен“– диди» – дээн.
Copyright information for
TyvTUV