a3 Хаан. 13:1
bХост. 4:14, 27
cХост. 28:1; Сан. 18:8-19
dХост. 27:21
eУ. ч. 4:8
fИер. 8:9-10
g3 Хаан. 2:27
h1 Хаан. 4:11
i3 Хаан. 2:35

‏ 1 Samuel 2:27-36

Илийниң салгалдарынга шииткелди чарлааны

27Илийге Бурганның бир кижизи чедип келгеш a, аңаа мынча дээн: «Дээрги-Чаяакчының сөзү бо-дур: „Мен сээң төрел бөлүүңге олар Египетке, фараоннуң чуртунга чурттап чорда, Мени билир кылып кагбаан ийик мен бе? b 28Сээң төрел бөлүүңнү израиль чоннуң бүгү аймактарының аразындан Бодумга бараалгакчылар кылдыр шилип алган мен c. Мен силерни Мээң өргүл салыр бедигээжимче үнер, Мээң мурнумга айдызаар, эфод хепти* кедер кылдыр шилип алган мен. Мен израильчилерниң бүгү өргүлдерин Меңээ салырын сээң төрел бөлүүңге дагзып каан мен. 29А силер чүге Мээң оран-савамга эккээрин дужааган янзы-бүрү өргүлдеримни таптап турар силер? Чүге сен оолдарыңны Менден артык хүндүлеп турар сен? Чүге Мээң израиль чонумнуң эккелген эң-не дээре дээн өргүлдерин сыырып, шартайтыр семирип турар силер?“ 30Ынчангаш Дээрги-Чаяакчы, Израильдиң Бурганы мынча дээн: „Сээң салгалың болгаш сээң төрел бөлүүң кезээ мөңгеде Меңээ бараан болурун аазап чораан болгай мен d. Ындыг-даа болза, моон соңгаар ындыг болбас. Мени алдаржыдып чоруур улусту алдаржыдар мен e, а Мээң ат-алдарымны базар улус куду көрдүртүр! f 31Көөр-даа сен, сени болгаш сээң төрел бөлүүңнүң кижилерин күш чок кылып каарым үе кээр g. Сээң салгалың аразындан кырыырынга чедир кым-даа чурттавас. 32Мээң оран-савамга кайы хире түрегдээрлерин көөр сен. Израиль чонга шупту чүве аайлажыр-даа болза, сээң салгалың аразындан кырыырынга чедир кым-даа, кажан-даа чурттавас. 33Ынчалза-даа Мен өргүл бедигээжинден сээң улузуңнуң шуптузун узуткавас мен. Ол бүгүнү көргеш, сээң карактарың оду өжүп, сагыш-сеткилиң хилинчектени бээр; сээң бүгү салгалың ортумак назынында-ла өлгүлеп каар. 34Сеңээ бадыткал демдээ бо-дур: ийи оглуң – Офни биле Финеес – чаңгыс хүнде өлүрлер h.

35Бодумга бердинген бараалгакчыдан томуйлап аар мен i. Ол Мээң сагыш-сеткилимни билир болгаш, бүгү чүвени Мээң күзелим-биле кылыр. Ооң салгалын быжыг кылып каар мен. Ол бараалгакчым бүгү назынында Мээң шилип алыр кижимге бараан болур. 36Сээң салгалыңдан дириг артканнар шуптузу чаңгыс көпеек база кескинди хлеб дээш аңаа сөгүрүп: ‘Дайнам хлеб тып чиири-биле Бурганның бараалгакчызының дузалакчызы болуп ажылдаарын чөпшээреп көрүңер’ – деп чаннып кээрлер“».
Copyright information for TyvTUV