a3 Хаан. 3:5
b2 Чыл. 6:26, 28
c2 Чыл. 12:7
d2 Чыл. 6:40
eЫ. х. к. 11:12
f3 Хаан. 2:4
gЫ. х. к. 4:26
hЫ. х. к. 28:37
iЛев. 26:32; Ы. х. к. 29:24; Иер. 22:8; 52:13

‏ 2 Chronicles 7:11-22

Дээрги-Чаяакчының Соломонга көзүлгени

(3 Хаан. 9:1-9)

11Соломон Дээрги-Чаяакчының өргээзин база хаанның ордузун тудуп дооскан – Дээрги-Чаяакчының өргээзинге, бодунуң ордузунга кылыр деп бодап алган бүгү чүвезин чедиишкинниг кылып дооскан. 12Ынчан Дээрги-Чаяакчы Соломонга дүне када көстүп келгеш a, мынча дээн: «Сээң мөргүлүңнү дыңнап кааш, бо черни Меңээ өргүл салыр өргээ кылдыр шилип алдым.

13Мен дээрни хаап каарымга, чаъс чагбайн баар дижик, азы мен шартылаага черни чип кааптарын дужаар, азы Бодумнуң чонумче хамчык аарыг ыдыптар дижик мен b. 14Бир эвес Мээң адым-биле адаттынып турар Мээң чонум томаарый бергеш, мөргүп, Менче чүткүп эгелээр болза c, бузуттуг-бак оруктарындан өскээр чайлай бээр болза, Мен дээрден дыңнап кааш, ооң бачыттарын өршээр мен база ооң черин экиртип каар мен. 15Ийе, Мээң караам силерже көөр, Мээң кулаам бо черге чугаалаан мөргүлдерже кичээнгей салыр d. 16Мен ам Мээң алдар-адым аңаа кезээ мөңгеде турзун дээш, бо өргээни шилип, ыдыктап алдым. Мээң караам биле бодал-чүрээм кезээ шагда аңаа турар e.

17А сеңээ хамаарыштыр. Бир эвес сен Мээң мурнумга бодуңнуң ачаң Давид ышкаш чурттаар болзуңза; Мээң бүгү айтыышкыннарымны күүседир, Мээң дүрүм-хоойлуларымны сагыыр болзуңза, 18сээң ачаң Давидке: „Израильди чагырар салгакчы чок артпас сен“– деп ооң-биле керээ чарганым дег f, сээң хаан дүжүлгеңни быжыглап каар мен.

19А бир эвес израильчилер силер Менден хая көрнүп, силерге Мээң берген айтыышкын, дүрүмнеримге чагыртпас болзуңарза, өске бурганнарга бараан болуп, мөгейип баар болзуңарза, 20Мен израиль чонну силерге берген Мээң черимден дазылы-биле тура тыртып каар мен g, Бодумнуң алдар-адымга дээш ыдыктап кааным бо өргээден ойталаар мен. Израильди ынчан бүгү чоннарга бужар үлегер-чижек, кочу-шоот кылып каар мен h. 21Бедий берген бо өргээ бузундулар апаар, ооң чаны-биле эрткен кижи бүрүзү элдепсинер база: „Дээрги-Чаяакчы бо чуртту, бо өргээни чүге ынчаар аажылааны ол?“– деп айтырар i. 22А улус: „Олар ада-өгбезин египет черден үндүре берген Дээрги-Чаяакчызы – адаларының Бурганындан ойталааш, өске бурганнар эдерип, оларга бараан болуп, мөгейгени дээш, Дээрги-Чаяакчы ол улусче бо айыыл-халапты ыткан“– деп харыылаар».
Copyright information for TyvTUV