2 Chronicles 9:12-28
12Соломон хаан Шеваның кадынынга ооң хаанга эккелген белектеринден-даа хөйнү, ооң күзээн-не, дилээн-не бүгү чүвезин хайырлаан. Ооң соонда кадын улузу-биле кады чуртунче чана берген.Соломоннуң бай-байлаа болгаш өндүрү
(3 Хаан. 10:14-29)
13Соломон чылдың-на 666 талант ▼▼ 666 талант – чээрби ажыг тонна.
алдынны ап турган. 14Оон аңгыда садыгжылардан, даштыкы садыгжылардан ажык-орулга кирип турган. Бүгү араб хааннар, израиль девискээрлерниң чагырыкчылары Соломонга алдын-мөңгүннү база эккеп берип турган. 15Соломон хаан 200 улуг дозуг-камгалал кылып алгаш, алдын-биле шап каан. Бир дозуг-камгалалды кылырынга 600 шекел ▼▼ 600 шекел – алды ажыг килограммга деңнежир.
алдын чарыгдаан. 16Ол ышкаш 300 бичежек дозуг-камгалал база кылып алгаш, алдын-биле шап каан c. Оларның бирээзин-не 300 шекел алдын-биле кылган ▼▼ 300 шекел – үш ажыг килограммга деңнежир.
. Дозуг-камгалалдарны хаан «Ливанның арга-эзими» дээр ордуга e тургузуп каан. 17Хаан оон ыңай чаан сөөгүнден улуг дүжүлге кылгаш, ону арыг алдын-биле шап каан. 18Ынаар үнер алды тепкииш биле бут салыр алдын сандайны дүжүлгеге быжыглап каан турган. Дүжүлгениң олудунуң ийи талазынга хол салыр черлер кылгаш, оларның чанынга ийи арзылаң дүрзүзү тургузуп каан. 19Оон ыңай алды тепкииште он ийи арзылаң – бир тепкииштиң-не ол-бо талазында ийи арзылаң кылдыр тургулаан. Өске кандыг-даа күрүнеге ол ышкаш коя каасталгалар кажан-даа туруп көрбээн. 20Соломон хаанның бүгү дашка-кундагазын база алдындан кылган турган; «Ливанның арга-эзими» дээр ордуда бүгү эт-херекселди база арыг алдындан кылган. Мөңгүнден кылган чүү-даа чок болган, чүге дээрге Соломоннуң үезинде мөңгүн хөй боорга, ону үнелевейн турган. 21Хаан далайга Хирамның чалчалары-биле Фарсисче эжиндирер корабльдарлыг турган f. Үш чыл болгаш-ла, корабльдар ээп кээп, алдын-мөңгүн, чаан сөөгү, сарбашкыннар болгаш алдын-доос куштар сөөртүп эккеп турган. 22Соломон хаан бай-байлаа болгаш мерген угааны-биле чер-делегейниң бүгү хааннарын ажып турган g. 23Чер-делегейде бүгү хааннар Соломоннуң угаан-чүрээнче Бурганның сиңниктиргени мерген угаанны дыңнаар дээш ооң-биле ужуражыксаар болган h. 24Келген кижи бүрүзү бодунуң белээн: алдын-мөңгүн эдилелдер, идик-хеп, ок-чепсек, чаагай чыттыг чүүлдер, аъттар болгаш элчигеннерни чылдың-на эккеп берип турган. 25Соломон аът баглап тургузар болгаш дайынчы терге турар 4000 черлиг, 12 000 аъттыг шериглиг ▼▼ Азы: «12 000 аъттыг».
турган j. Хаан дайынчы тергелер биле аъттарны тускай хоорайларга k, а чамдыызын бодунуң чанынга, Иерусалимге, тудуп турган l. 26Соломон Евфрат хемден эгелээш, филистим черге чедир база Египет-биле кызыгаарга чедир бүгү күрүнелерни чагырып турган m. 27Соломоннуң чагырган үезинде Иерусалимде чеже даш барыл, мөңгүн база ынча апарган, а пөштен кылган тудуглар эңдерлип, пөш ыяжын Шефела девискээринде фига ыяжы дег анаа чүүл кылдыр санаар апарган. 28Соломонга аъттарны Египеттен база бүгү өске чурттардан эккеп турган n.
Copyright information for
TyvTUV