2Ki 24:8-15 | TyvTUV | STEP | Иехония он сес харлыында хааннап эгелээш, чуртту Иерусалимге үш ай чагырган. Ооң авазын Нехушта дээр турган, ол – Иерусалим чурттуг Элнафанның уруу чүве-дир.

‏ 2 Kings 24:8-15

Иудеяның хааны Иехонияның туттуруп алганы

(2 Чыл. 36:9-10)

8 Иехония он сес харлыында хааннап эгелээш, чуртту Иерусалимге үш ай чагырган. Ооң авазын Нехушта дээр турган, ол – Иерусалим чурттуг Элнафанның уруу чүве-дир. 9 Иехония ачазының кылып турган бүгү чүвезин өттүнүп, Дээрги-Чаяакчының мурнунга бузут үүлгедип турган.

10 Ол үеде Вавилоннуң хааны Навуходоносорнуң дүжүметтери Иерусалимге келгеш, ону бүзээлеп алганнар. 11 Навуходоносор боду ооң улузунуң бүзээлеп алгаш турган хоорайынга чедип кээрге, 12 Иудеяның хааны Иехония, ооң авазы, нояннары, шериг баштыңнары болгаш дүжүметтери аңаа дүжүп бергеннер.

Вавилоннуң хааны бодунуң чагыргазының сески чылында Иехонияны тудуп алган ^a. 13 Дээрги-Чаяакчының баш бурунгаар чугаалап турганы дег ^b, Навуходоносор Дээрги-Чаяакчының өргээзиниң база хаанның ордузунуң бүгү эртине-байлаан аппарган ^c – Израильдиң хааны Соломоннуң Дээрги-Чаяакчының өргээзинге кылып каан бүгү алдын саваларын кезе шаап каапкан. 14 Ол Иерусалимниң бүгү чурттакчыларын: бүгү нояннарны, күчү-күштүг дайынчыларны, бүгү ус-дарган, шевер улусту – шупту 10 000 кижини тудуп алгаш барган. Чурттуң чүгле ядыы карачал чону артып калган. 15 Навуходоносор Иехонияны Иерусалимден Вавилонче тудуп алгаш барган, ооң-биле кады хаанның авазын, ооң кадыннарын, дүжүметтерин, чурттуң ат-алдарлыг улузун база аппарган ^d.