2Sa 6:19-7:17 | TyvTUV | STEP | Ооң соонда ол бүгү чонга, хөй-хөй израильчилерге – эр-даа, херээжен-даа улуска бир-бир хлеб, борбак эът база үзүмнүг боова үлеп берген. Бүгү чон бажыңнарынче тарап чана берген.

a 1 Хаан. 15:28

b 2 Хаан. 12:1; 3 Хаан. 1:8; 1 Чыл. 29:29; 2 Чыл. 9:29; 29:25; Ыд. ыр. 50:2

c 1 Хаан. 16:11-13; Ыд. ыр. 77:70

d 1 Хаан. 18:14

e Башт. 2:14-16; 1 Хаан. 12:11

g 3 Хаан. 2:10

h 3 Хаан. 8:19

iЫд. ыр. 88:27-28; 2 Кор. 6:18; Евр. 1:5

jЫд. ыр. 88:31-33

l Ыд. ыр. 88:5, 30, 36-37; 131:12; Ин. 7:42

‏ 2 Samuel 6:19-23

19 Ооң соонда ол бүгү чонга, хөй-хөй израильчилерге – эр-даа, херээжен-даа улуска бир-бир хлеб, борбак эът база үзүмнүг боова үлеп берген. Бүгү чон бажыңнарынче тарап чана берген.

20 Бодунуң өг-бүлезин алгап-йөрээп каар дээш, Давид чанып кээрге, Саулдуң уруу Мелхола аңаа уткуштур үнүп келгеш, мынча дээн: «Израильдиң хааны бөгүн бодун дыка-ла алдаржытты! Бодунуң албаты чонунуң кыс кулдарының мурнунга үен-даян кижи-даа ышкаш шалдаң көстүр чыгыы самнап канчаары ол?»

21 Давид Мелхолага мынчаар харыылаан: «Ол дээрге Дээрги-Чаяакчының мурнунга чүве ышкажыл. Сээң ачаңның болгаш ооң салгалының орнунга Ол мени шилип алгаш ^a, Бодунуң израиль чонунуң чагырыкчызы кылып каан-дыр. Мен Дээрги-Чаяакчының мурнунга самнап, хөглээн мен. 22 Мен оон-даа артык сандарап батсымза, оон-даа чөгенчиг апарзымза, сээң чугаалап турарың кул-кыстар дөмей-ле мени алдаржыдар». 23 Ынчангаш Саулдуң уруу Мелхола өлгүже чедир ажы-төл чок болган чүве-дир.

‏ 2 Samuel 7:1-17

Нафанның өттүр билген медеглели

(1 Чыл. 17:1-15)

1 Хаан бодунуң ордузунче көжүп кире берген үеде, Дээрги-Чаяакчы ону долгандыр турар дайзыннарындан хостуг кылып каанда, 2 ол Нафан медээчиге ^b мынча дээн: «Көрем, мен пөштен кылган ордуда чурттап турар-дыр мен, а Бурганның аптаразы анаа майгында турар-дыр». 3 Нафан хаанга: «Чүнү кылырын күзей-дир сен, ону барып кыл. Дээрги-Чаяакчы сээң-биле кады болгай» – дээн.

4 Ол-ла дүне Дээрги-Чаяакчы Бодунуң сөзүн Нафанга ажыдыпкан: 5 «Мээң чалчам Давидке баргаш, Дээрги-Чаяакчының сөзүн дамчыт: Мээң чурттаар өргээмни сен тургузар сен бе? 6 Израильчилерни Египеттен үндүрүп келгенимден бо хүнге чедир Мен өргээге чурттавадым. Бир черден өске черже көжүп чорааш, анаа майгынга чурттап чордум. 7 Израильчилер-биле кады каяа-даа чорааш, Бодумнуң израиль чонумну чагырар кылдыр дужааганым аймактарның кайы-бирээзинге: „Чүге Меңээ пөштен өргээ тудуп бербээн силер?“деп чугаалап көрген мен бе?

8 Ынчангаш Мээң чалчам Давидке Аг-шериглиг Дээрги-Чаяакчының сөзүн дамчыт: Мен сени, хой кадарып чоруңда, Мээң израиль чонумнуң чагырыкчызы кылдыр томуйлаан мен ^c 9 Каяа-даа чоруңда, сээң-биле кады болуп, сээң мурнуңга дайзыннарыңны чылча шаап чордум ^d. Сээң адыңны, чер кырының алдарлыг кижилеринии дег, алдаржыдып каан мен. 10 – 11 Мен Бодумнуң израиль чонумга боду чурттуг болзун база ону кым-даа дүвүретпезин дээш, черни аңгылап бергеш, аңаа доктаап чурттаар кылып каан мен.

Каржы-бак улус оларны мооң мурнунда дег, Мен Бодумнуң израиль чонумга баштыңчылар тургузуп каан үемде дег ^e, кызып-кыйбас болур. Оон ыңай Мен сени бүгү дайзыннарыңдан адырып каар мен. Дээрги-Чаяакчы сээң ук-салгалыңны ^{▼▼ Еврей дылда «бэт» деп сөс 5-ки шүлүкте «өргээ» деп утканы-даа, бо шүлүкте «ук-салгал» деп утканы-даа илередип турар. Бо үзүндүде ол ийи аңгы уткалар-биле сөс оюну чоруп турар.} Боду доктаадып каарын аазап турар-дыр. 12 Кажан сен назылап кырааш, ада-өгбең соондан өске оранче чоруй баарыңга ^g, Мен сээң төрээн үре-салгалыңны орнуңга хаан кылгаш, ооң чагыргазын быжыглап каар мен. 13 Ол салгакчың Мээң адымга тураскааткан өргээ тудуп каар ^h, а Мен ооң хаан дүжүлгезин мөңгеде быжыглап каар мен. 14 Мен ооң Адазы болур мен, а ол Мээң оглум болур ⁱ. Ол багай чүве үүлгедир болза, Мен ону кижилерни дамчыштыр – оларның кымчызы-биле кезедир мен ^j. 15 Ындыг-даа болза, Мен сээң мурнуңда хааннап турган Саулдан ойталааным дег, Бодумнуң энерелимни салгакчыңдан кажан-даа ап кагбас мен. 16 Мээң мурнумга ^{▼▼ Өске бурунгу сөзүглелде «Мээң мурнумга» эвес, а «Сен көрүп туруңда» деп бижээн.} Сээң үре-салгалың болгаш чагыргаң кезээ мөңгеде чайгылыш чок болур, сээң дүжүлгең мөңгези-биле артар ^l».

17 Нафан ол бүгү чугааны болгаш көстүүшкүннү Давидке дамчыдып берген.