Deu 10:1-4 | TyvTUV | STEP | «Дээрги-Чаяакчы ынчан меңээ: „Бодуңга мурнундагы калбак даштар ышкаш ийи калбак даштан чондуруп алгаш, Менче, даг бажынче үнүп кел, ыяш аптарадан база чазап ал .

‏ Deuteronomy 10:1-4

Чагыг-керээни чаартканы

(Хост. 34:1-4)

1 «Дээрги-Чаяакчы ынчан меңээ: „Бодуңга мурнундагы калбак даштар ышкаш ийи калбак даштан чондуруп алгаш, Менче, даг бажынче үнүп кел, ыяш аптарадан база чазап ал ^a. 2 Мен ынчан ол калбак даштарга сээң буза шаап каапканың даштарга турган сөстерни оюп бижип каар мен. Сен чаа даштарны ыдыктыг аптараже суп каар сен ^b“– дээн чүве.

3 Мен акация ыяжындан аптара чазап алгаш ^c, биеэги даштар ышкаш ийи калбак даш чондургаш, ол даштарны тудуп алгаш, дагже үне берген мен. 4 Дээрги-Чаяакчы чыглып турган хүнүңерде силерге от иштинден чугаалааны он айтыышкынын ^d ол ийи калбак дашка, ооң мурнунда бижээни ышкаш, бижип каан болгаш ол даштарны меңээ ап берген ^e.