a1 Хаан. 8:5
b1 Хаан. 9:16
cИис. 11:6; 2 Хаан. 8:4; 1 Чыл. 18:4
d3 Хаан. 10:28; 2 Чыл. 1:16; 9:28
e3 Хаан. 11:1-4; Неем. 13:26; У. ч. 31:3
f3 Хаан. 10:14, 27; 2 Чыл. 1:15; 9:27
gИис. 1:8

‏ Deuteronomy 17:14-20

Хаанны дүжүлгеге олуртуру

14«Дээрги-Чаяакчы Бурганыңның сеңээ берип турары черже чедип кээп, ону эжелеп, ээлеп чурттай бергеш, „Мени долгандыр чурттаан өске чоннар ышкаш, мени башкарар хаандан олуртуп аар-дыр“деп барган дижик сен a. 15Ынчан Дээрги-Чаяакчы Бурганыңның шилип аар хаанын сени башкарар кылдыр дүжүлгеге олуртуп ал b; шак ол хаанны ха-дуңмаң аразындан эккеп, дүжүлгеге олуртуп ап болур сен, ха-дуңмаң эвес, даштыкы кижини бодуңга хаан кылбас сен. 16Чүгле ол хаан кижи эңдерик аът эдилевезин c база эңмежок аът эккеп аар дээш Египетче чонну эгитпезин d; Дээрги-Чаяакчы силерге: „Ол орук-биле черле дедир эгбеңер“– деп чугаалаан-на болгай. 17Сагыш-хөңнүн дуурайлатпас дизе, хаан кижи эңмежок кадай албазын e база эңдерик мөңгүн, алдын чыып, бодун байытпазын f.

18Хаан кижи дүжүлгеге саадапкаш, левит бараалгакчыларның шыгжап турары дүрүг-номдан ол хоойлуну бодунга чара бижидип алзын. 19Ук хоойлу хаанга турзун, ол ону бүгү назынында номчуп g, Дээрги-Чаяакчы Бурганындан коргуп өөрензин база ол хоойлунуң бүгү айтыышкын, дүрүмнерин күүседир дээш кызытсын. 20Ынчан хаан кижи бодун ха-дуңма чонундан өрү көрдүнмес, ол хоойлудан оң-даа, солагай-даа талаже чайгылбас, шак ындыг хаан база ооң үре-салгалы үр үеде Израиль күрүнениң хааннары бооп, дүжүлгеге саадаар».
Copyright information for TyvTUV