Deuteronomy 17:16-20
16Чүгле ол хаан кижи эңдерик аът эдилевезин a база эңмежок аът эккеп аар дээш Египетче чонну эгитпезин b; Дээрги-Чаяакчы силерге: „Ол орук-биле черле дедир эгбеңер“– деп чугаалаан-на болгай. 17Сагыш-хөңнүн дуурайлатпас дизе, хаан кижи эңмежок кадай албазын c база эңдерик мөңгүн, алдын чыып, бодун байытпазын d. 18Хаан кижи дүжүлгеге саадапкаш, левит бараалгакчыларның шыгжап турары дүрүг-номдан ол хоойлуну бодунга чара бижидип алзын. 19Ук хоойлу хаанга турзун, ол ону бүгү назынында номчуп e, Дээрги-Чаяакчы Бурганындан коргуп өөрензин база ол хоойлунуң бүгү айтыышкын, дүрүмнерин күүседир дээш кызытсын. 20Ынчан хаан кижи бодун ха-дуңма чонундан өрү көрдүнмес, ол хоойлудан оң-даа, солагай-даа талаже чайгылбас, шак ындыг хаан база ооң үре-салгалы үр үеде Израиль күрүнениң хааннары бооп, дүжүлгеге саадаар».
Copyright information for
TyvTUV