Deu 21:10-14 | TyvTUV | STEP | «Кажан дайзыннарыңга удур чаалажып үнүп кээриңге, Дээрги-Чаяакчы Бурганың оларны сээң холуңга хүлээдип бээрге, оларны тудуп аппарган дижик сен.

‏ Deuteronomy 21:10-14

Туттурган херээжен кижи-биле өгленири

10 «Кажан дайзыннарыңга удур чаалажып үнүп кээриңге, Дээрги-Чаяакчы Бурганың оларны сээң холуңга хүлээдип бээрге, оларны тудуп аппарган дижик сен. 11 Туттурган улус аразында аянныг чараш херээжен кижи көрүп кааш, аңаа хандыкшый берип, кадай кылдыр ап алгаш, 12 ону бажыңыңче эккеп алган дижик сен. Демги херээжен бажын дөңгүрертип ^a, дыргаан кезип, 13 туттуруп кээрде кедип чораан хевин солуй кеттинип алзын; сээң бажыңыңга артып калгаш, бир ай дургузунда ада-иезиниң ажыын ажып кажыыдазын. Чүгле ооң соонда ол херээжен-биле чоокшулажып, ооң ашаа апаар сен, а ол сээң кадайың апаар. 14 А бир эвес ол херээжен сеткилиңге таарышпайн барза, ону күзээн-не черинче хостап салывыт, чүгле акша-мөңгүнге орнап, сатпа, кул кижи кылдыр хуулдурба ^{▼▼ Азы: «Аңаа каржы аажы көргүспе».}, чүге дээрге ону сен бакка суп каан болгай сен».