Eph 5:22-6:9 | TyvTUV | STEP | Херээжен улус, Дээрги-Чаяакчыга дег, ашактарыңарга чагыртыңар .

‏ Ephesians 5:22-33

22 Херээжен улус, Дээрги-Чаяакчыга дег, ашактарыңарга чагыртыңар ^a. 23 Христостуң Бодунуң ниитилели болур мага-бодунуң Бажы ^b болгаш Камгалакчызы болганы дег, ашаа кадайынга баштыңчы боор ^c. 24 Христостуң ниитилелиниң Аңаа чагыртканы дег, кадайлар база ашактарынга бүрүнү-биле чагыртыр ужурлуг.

25 А силер, ашактар, Христостуң Бодунуң ниитилелинге ынаа ышкаш, кадайларыңарга ынак болуңар ^d. Ол Бодунуң амы-тынын ол дээш өргээн болгай. 26 Христиан ниитилелди сугга чуп ^e, арыглааш, Бодунуң сөзү-биле ыдыктап, аңгылап алыр дээш, 27 ону Бодунуң мурнунга бүрүн каазы-биле: четпес-дудуу чүве чок, бокка борашпаан – бачыт база кем чок бооп көзүлзүн дээш ^f, Ол ынчаар кылган. 28 Ашактар база ынчалдыр, бодунуң мага-бодунга дег, кадайларынга ынак боор ужурлуг. Кадайынга ынак кижи бодунга база ынак. 29 Бодунуң мага-бодун көөр хөңнү чок чаңгыс-даа эр кижи кажан-даа туруп көрбээн, харын ол оозун чемгерер, ажаап-тежээр болгай. Христос Бодунуң ниитилели дээш база ынчалдыр сагыш човаар. 30 А бис Ооң мага-бодунуң кезектери-дир бис ^{g
,} ^{▼▼ Өске бурунгу сөзүглелдерде бо сөстерге «Ооң мага-бодундан база Ооң сөөк-даяандан» деп сөстерни немээн.}.

31 Ынчангаш эр кижи ада-иезин каапкаш, кадайы-биле катчы бээр,
ынчан ийи кижи чаңгыс мага-бот апаар ⁱ.

32 Мында аажок ханы чажыт бар, ол чажыт Христоска болгаш Ооң ниитилелинге хамааржырын чугаалап тур мен. 33 Силерниң эр кижи бүрүзү база, бодунга боду дег, кадайынга ынак боор ужурлуг, а кадайы ашаан хүндүлезин ^j.

‏ Ephesians 6:1-9

Ажы-төл болгаш ада-ие

1 Ажы-төл, Дээрги-Чаяакчыга башкарткаш, ада-иеңерни дыңнаңар, ынчаар кылыры чөптүг-шынныг болур ^k. 2 Бурганның аазаашкынынга коштунган Ооң бирги айтыышкынын утпаңар:

«Ачаң биле аваңны хүндүлеп чор.
3 Сеңээ ынчан буян-кежик доктаап,
чер кырынга үр амыдыраар сен» ^l.

4 Ада-иелер, ажы-төлүңерни бужургандырбаңар! Оларны Дээрги-Чаяакчының чурумун болгаш өөредиин ёзугаар өстүрүп-кижизидиңер база сургаңар ^m.

Кулдар болгаш оларның ээлери

5 Кулдар, чер кырында ээлериңерни, Христоска чагыртып турган-даа дег, хүндүткеп база коргуп-сүрээдеп, чүрээңер ханызындан дыңнаңар ⁿ. 6 Улустуң эки хамаарылгазын чаалап аар дээн чашпаачылар дег, карак чаап эвес, а Бурганның күзел-соруун сеткилиниң ханызындан күүседип турар Христостуң кулдары дег ажылдаңар ^o. 7 Улуска эвес, а Дээрги-Чаяакчыга бараан бооп турган дег, чүткүлдүү-биле бараан болуңар. 8 Кымның-даа: кул-даа, хостуг-даа кижиниң кылган буянныг ажыл-херээ дээш, Дээрги-Чаяакчы шаңнал бээрин билип алыңар ^p.

9 А ээлер силер, кулдарыңарга база шак ындыг хамаарылгалыг болуңар, кыжаныгдан туттунуңар ^q. Оларда-даа, силерде-даа дээрде чаңгыс Дээрги-Чаяакчы бар, а Ол кымны-даа өскелерден ылгай көрбес дээрзин утпаңар ^r.