Ephesians 6:11-17
11Бурганның берген бүрүн чепсек-херекселин кедип алыңар a, эрликтиң хамык кара сагыжынга удур ынчан туржуп шыдаар силер b. 12Чүге дээрге бис эът-бот биле хандан бүткен улуска удур эвес, а эрге-чагырга ээлеринге, бистиң амыдыраан дүмбей үевисте c тергиидээн каптагайның чагырыкчыларынга база дээрлерде кара күштерге удур d демисежип турар-дыр бис. 13Ынчангаш бузут тергидээр хүн кээрге, оларга удур туржур шаг-шинектиг бооп, шупту халдаашкыннарны ойтур шаап, тура тутчур дээш, Бурганның чепсек-херекселин кедип алыңар. 14Чаныш-сыныш чок туржуңар! Алыс шынны чыыра куржангаш e, чөптүг-шынныг чоруктуң куяк хевин кедип алыңар f. 15Амыр-тайбың дугайында Буянныг Медээни суртаалдаарынга белениңер – бутка кедер идииңер болзун g. 16А ол бүгүден аңгыда, бүзүрелдиң дозуг-камгалалын тудуп алыңар h – ооң-биле бузуттуг эрликтиң хамык оттуг согуннарын дозуп шыдаар силер. 17Камгалалды – куяк бөрттү дег, а Бурганның сөзүн – Сүлдениң силерге бээр хылыжын дег хүлээп алыңар i.
Copyright information for
TyvTUV