Exodus 6:16-25
16А Левий 137 чыл чурттаан, ооң соон салгаан оолдарын Гирсон, Кохат болгаш Мерари дээр турган a. 17Гирсоннуң оолдары Ливни болгаш Шимей болур, олардан база төрел бөлүктер укталган. 18Кохат 133 чыл чурттаан. Ооң оолдары Амрам биле Ицгар, Хеврон биле Узиил олар болур. 19Мерариниң оолдары Махли болгаш Муши болур. Левийден укталган төрел бөлүктерниң баштыңнары ол-дур b. 20Амрам 137 чыл чурттаан. Ол ачазының дуңмазы Иохаведаны кадай кылып алган. Иохаведа Амрамга Аарон биле Моисейни божуп берген c. 21Ицгарның оолдары Корах d, Нефег болгаш Зихрий болур. 22Узиилдиң оолдары Мисаил, Элицафан e болгаш Сифри болур. 23Аарон бодунга кадай кылдыр Аминадавтың уруу, Наассоннуң дуңмазы f Елисаветаны ап алган. Елисавета Ааронга Надав биле Авиудту, Элеазар биле Ифамарны божуп берген g. 24Корахтың оолдары Асир, Элкана болгаш Авиасаф олар Корахтан укталган төрел бөлүктерниң баштыңнары-дыр h. 25Аароннуң оглу Элеазар Футиилдиң бир уруун кадай кылдыр ап алган. Кадайы Элеазарга Финеести божуп берген i. Левийден укталган төрел бөлүктерниң улуг баштыңнары ол-дур.
Copyright information for
TyvTUV