Ezekiel 31:3-7
3Ассирияже көр даан, ол чурт Ливан сында чараш будуктарлыг,чокпак будук-бүрүлүг пөш дег турган a.
Ооң бажы шыргай будук-бүрү аразынга бедидир көдүрүлген.
4Суг ону суггарып, чер адааның хемнери бедидир өстүрүп турган.
Хем-суглар ооң өзүп турган черин долгандыр агып,
арга-эзимде бүгү өске ыяштарже дамырак сугларын аксып берип турган.
5Ынчангаш ол пөш арга-эзимде бүгү ыяштардан бедик апарган,
ооң будуктары сырыйландыр өскен;
ол өзүп турда, суг элбек турган болгаш, будуктары узай берген.
6Дээрниң бүгү куштары ооң будуктарынга уя тудуп алган,
бүгү черлик аңнар ооң будуктарының адаанга өзүп-төрүп турган,
янзы-бүрү улуг чоннар аңаа чаглактанып чурттап турган b.
7Ол пөш өндүр бедии-биле, будуктарының узуну-биле тулган чараш болган,
чүге дээрге ооң дазылдары терең сугларже бада берген.
Copyright information for
TyvTUV