Ezekiel 34:11-15
11Дээрги-Бурган-Чаяакчы мынча дээн болгай: «Хойларымны Мен Бодум дилээр мен, оларны четчелеп, карактаар мен a. 12Кадарчы кижиниң тарадыр кылаштажы берген кодан малының аразынга чорааш, сүрүүн четчелеп, карактаары дег, Мен база Бодумнуң хойларымны хайгаарап, карактаар мен. Кара булуттарлыг бүргег хүнде b тарай бергени бүгү черлеринден оларны ам үндүр сүрүп эккээр мен. 13Оларны өске чоннар аразындан үндүрүп, чурттардан чыып эккелгеш, боттарының черинче дедир чандырар мен c. Мен оларны Израильдиң дагларынга, сугларының чанынга, бүгү чурттакчылыг черлерге кадарар мен. 14Оларны эки одар-белчиирге кадарар мен d, оларның одарлары Израильдиң бедик дагларынга турар. Олар Израильдиң дагларында чаагай оът-сигенниг одар-белчиирлерге оъттаар. 15Хойларымны Мен Бодум кадарып, дыштандырып чыттырар мен – деп, Дээрги-Бурган-Чаяакчы медеглээн. –
Copyright information for
TyvTUV