Isaiah 16:7-10
7Ынчангаш моав чон бодунуң чурту дээш качыгдап, шупту ишкирнип ыглап турар.Ажыг-шүжүгге алыскан улус, Кир-Харешет хоорайга a
эки-чаагай амыдыралыңарны сактып, ыглажыңар-ла! b
8Эсевоннуң шөлдери болгаш Сивманың виноград шөлдери кургап калган.
Чоннарның чагырыкчылары биеэде Иазер хоорайга c чедир үнүп,
ээн кургаг хову чедир чаттылып турган эң эки сыптарны таптай базып каапкан.
Оларның адырлары өзүп тарап, далай ындынче эрттир үнүп турган.
9Мен Сивмада виноград шөлү дээш, Иазер дээш ыглааным дег, ыглап тур мен;
Эсевон биле Элеале d, силерни караам чажы-биле суггарар мен!
Чүге дээрге улус сээң чайгы чимизиң чыгбастап, бышкан тарааң ажаавастады,
өөрүшкүлүг дааш-шимээн дыңналбастады.
10Дүжүткүр черни хөглээшкин биле өөрүшкү каггаш барды,
виноград шөлдеринде кым-даа ырлап, байырлавастады,
виноград сы базар оңгарларда кым-даа виноград таптай баспайн турар,
чүге дээрге Мен өөрүп-байырлаан алгы-кышкыны соксадып кагдым.
Copyright information for
TyvTUV