Jeremiah 43:4-7
4Карейниң оглу Иоханан, бүгү шериг баштыңнары болгаш бүгү чон Дээрги-Чаяакчының «Иудеяга артып калыңар!» дээн айтыышкынын тооп дыңнавайн барган. 5Карейниң оглу Иоханан биле бүгү шериг баштыңнары Иудеяның артынчы чонун (а ол улус өске чоннарның черлеринче үндүр сывыртаткаш, ам Иудеяже дедир чанып кээп турган) – 6эр, херээжен улусту, оларның ажы-төлүн, хаанның уругларын, камгалакчы шериглер даргазы Навузарданның a Шафанның оглунуң оглу, Ахикамның оглу Годолия-биле b арттырып каан бүгү улузун база ол ышкаш Иеремия медээчини, Нирияның оглу Варухту – эдертип алгаш, 7Дээрги-Чаяакчыны тооп дыңнавайн, Египетче чорупканнар. Олар Тафнис хоорайга c чеде бергеннер.
Copyright information for
TyvTUV