Joe 2:28-32 | TyvTUV | STEP | «Ооң соонда мындыг боор: Мен Бодумнуң Сүлдем-биле бүгү улусту бүргей аптар мен . Силерниң оглу-кызыңар өттүр билип медеглеп эгелээр, кырганнарыңар өттүр билген дүштер дүжээр, аныяк оолдарыңар онзагай көстүүшкүннер көөр.

‏ Joel 2:28-32

Бурганның Бодунуң Сүлдезин бээри хүн

(Аж.-ч. 2:17-21)

28 «Ооң соонда мындыг боор:
Мен Бодумнуң Сүлдем-биле бүгү улусту бүргей аптар мен ^a.
Силерниң оглу-кызыңар өттүр билип медеглеп эгелээр,
кырганнарыңар өттүр билген дүштер дүжээр,
аныяк оолдарыңар онзагай көстүүшкүннер көөр.
29 Ол хүннерде Мен эр, кыс чалчаларны безин
Бодумнуң Сүлдем-биле бүргей аптар мен.
30 Дээрге база черге кайгамчык бадыткал демдектери:
хан, от болгаш дүргектелген ышты көргүзер мен ^b.
31 Дээрги-Чаяакчының өндүр улуг, коргунчуг шииткел хүнү чедип кээр бетинде
хүн дүмбей караңгы бооп, ай хан өңнүг бооп хуула бээр ^c.
32 Ынчан Дээрги-Чаяакчының адын кыйгырган кижи бүрүзү камгалал алыр ^d.
Дээрги-Чаяакчының аазаанын ёзугаар
Сион дагга база Иерусалимге хоргадаан чон дириг артар ^e;
Дээрги-Чаяакчының Бодунче кыйгырып алган улузу өлбейн баар».