Joh 12:1-8 | TyvTUV | STEP | Хосталыышкын байырлалынга чедир алды хүн артканда, Иисус Ооң өлүглер аразындан катап диргискени Лазарның чурттап турганы Вифанияже чедип келген.

‏ John 12:1-8

Вифанияга кежээки чем

(Мф. 26:6-13; Мк. 14:3-9; Лк. 7:36-50)

1 Хосталыышкын байырлалынга ^a чедир алды хүн артканда, Иисус Ооң өлүглер аразындан катап диргискени Лазарның чурттап турганы Вифанияже ^b чедип келген. 2 Аңаа Иисустуң алдар-хүндүзү дээш, кежээки чем белеткээн. Марфа ^c бараан болуп, чем салган, а Лазар Ооң-биле база өске аалчылар-биле кады хөлестеп олурган. 3 Мария ынчан арыг нардтан кылган улуг үнелиг, бир литра хемчээлдиг ^{▼▼ Бир литра – 320 грамм хире.} чаагай чыттыг үстү алгаш, Иисустуң буттарын чаггаш, бажының дүгү-биле Ооң буттарын чодуп берген ^e. Бажың ишти чаагай чыттыг үстен айдызалы берген.

4 Ооң өөреникчилериниң бирээзи болур, сөөлүнде барып Ону садыпкан Иуда Искариот ^{▼▼ Өске бурунгу сөзүглелдерде «Иуда Искариот» деп эвес, а «Симоннуң оглу Иуда Искариот» деп бижээн.} ынчан: 5 «Чүге бо чаагай чыттыг үстү 300 мөңгүн чооска ^{▼▼ Үш чүс мөңгүн чоос – барык бүдүн чылдың ажыл төлевири.} садыпкаш, акшазын ядыыларга үлеп берип болбас турганыл?» – дээн. 6 Ону Иуда ядыылар дээш сагыш салгаш эвес, а ооржу болган ужурунда чугаалаан чүве-дир: ол акша шыгжаар ниити хааржакты бодунга ап чораан болгаш ^h, оон акшаны бодунуң хереглели дээш уштуп алыр чаңныг турган.

7 Иисус мынча дээн: «Аңаа дегбеңер! Ол херээжен Мени орнукшудар хүнге чедир үстү шыгжап чоруур ужурлуг турган-дыр. 8 Ядыылар силер-биле үргүлчү кады турар болгай ⁱ, а Мен силер-биле үргүлчү турбас мен».