John 18:3-11
3Ынчангаш Иуда рим шериглерни база Бурганның дээди бараалгакчыларының болгаш фарисейлерниң чорутканы таңныылдарны эдертип алгаш, ынаар чеде берген a. Олар шупту деңнерлиг, чырыткыларлыг болгаш ок-чепсектиг болган. 4Иисус Боду-биле чүү болурун дөгерезин билир болгаш b, оларже уткуй үнгеш: «Кымны дилеп чор силер?» – деп айтырган c. 5Олар: «Назарет чурттуг Иисусту» – деп харыылааннар. Иисус оларга: «Мен-дир мен» – дээн. Саттыныкчы Иуда база олар-биле кады турган. 6Иисус оларга: «Мен-дир мен» – деп чугаалаптарга, олар аткаар баскаш, черже доңгая кээп дүшкеннер ▼▼ Иисустуң чугаалаан «Мен-дир мен» деп сөстери Бурганның ыдык адының грек дылче очулгазынга дөмей бооп турар (Хост. 3:14; Ин. 8:58 көр).
. 7Ол: «Кымны дилеп чор силер?» – деп база катап айтырган. Олар: «Назарет чурттуг Иисусту» – дээннер. 8Иисус мынча деп харыылаан: «„Мен-дир мен“деп силерге чугааладым чоп. Мени дилеп чоруур болзуңарза, бо улуска дегбейн, салып чорудуптуңар». 9(Иисустуң: «Адам, Меңээ берген улузуңнуң аразындан Мен кымны-даа чидирбедим» – дээн сөзү ынчаар боттанган.) e 10Симон Пётр хылыштыг чораан болгаш f, оозун ушта тырткаш, Бурганның дээди бараалгакчызының чалчазының оң талакы кулаан одура шаапкан. Чалчаның адын Малх дээр чүве-дир. 11Ынчалза-даа Иисус Пётрга мынча дээн: «Хылыжың хыннап ал! Бо үлүг-дашканы Меңээ Адам берди. Таанда-ла Мен ону ишпес мен бе? g»
Copyright information for
TyvTUV