John 20:19-29
Иисустуң өөреникчилеринге кээп көзүлгени
(Мф. 28:16-20; Мк. 16:14-18; Лк. 24:36-49)
19Улуг-хүннүң кежээзинде Иисустуң өөреникчилери чыылгаш, иудейлерден коргуп, эжиктерин хаап алгылаан олурда, Ол Боду кирип келгеш, оларның аразынга туруп алгаш: «Амыр-менди-ле» – дээн. 20Ынча дээш, Ол Бодунуң холдарын болгаш быктын оларга көргүскен. Дээрги Иисусту көрүп кааш, өөреникчилери аажок өөрээн. 21Иисус оларга: «Амыр-менди-ле – деп катаптаан. – Адамның Мени айбылап чорутканы дег, Мен силерни база ынчалдыр айбылап чорудуп тур мен a». 22Иисус ол сөстерни чугаалааш, оларже тыныпкаш b: «Ыдыктыг Сүлдени хүлээп алыңар! 23Кымның бачыттарын өршээр силер, ооң бачыттары өршээттинген болур, а кымныын өршээвес силер, ооң бачыттары хевээр арткан болур» – дээн c.Иисус болгаш Фома
24Ынчалза-даа, Иисус кээп турда, он ийи элчинниң бирээзи, Ийис деп шола аттыг Фома d олар-биле кады турбаан чүве-дир. 25Өске өөреникчилер аңаа: «Бис Дээргивисти көрдүвүс!» – дээн. Ынчан ол: «Ооң холдарында кадаглардан балыгларны көрбээн шаамда, ол балыгларга салаамны дээспээн шаамда, а Ооң быктында балыынга холумну дээспээн шаамда, бүзүревес мен!» – деп харыылаан. 26Чеди хонган соонда, Ооң өөреникчилери, а Фома база олар-биле кады, бир бажыңга чыглып келгеннер. Эжикти дээктеп каан-даа болза, Иисус кирип келгеш, оларның аразынга туруп алгаш: «Амыр-менди-ле!» – дээн. 27Оон Фомага: «Салааңны бээр сун. Мээң холдарым бо-дур, көр даан. Холуңну бээр сунгаш, быктымда балыгга дегзип көр. Чигзинериң соксат! Харын бүзүре» – дээн. 28Фома Аңаа: «Мээң Дээргим болгаш Бурганым!» – деп харыылаан e. 29Иисус аңаа: «Сен Мени көргеш, ам-на бүзүрей бердиң f. А Мени көрбезе-даа, Меңээ бүзүрээннер – амыр-чыргалдыг» – дээн g.
Copyright information for
TyvTUV