Leviticus 18:7-16
7Ачаңның мага-бодунуң тудуш кезээ болур аваң-биле холбашпа. Ол херээжен – сээң аваң-дыр, ооң-биле холбашпа. 8Ачаңның өске кадайы – соңгу иең-биле холбашпа: ооң шалдаңы дээрге ачаңның база шалдаңы болгай a. 9Ачаңның азы аваңның уруу болур угбаң азы дуңмаң-биле – ол аалыңарга-даа азы аалыңардан дашкаар-даа төрүттүнген болза – холбашпа b. 10Оглу-кызыңның уруу-биле холбашпа. Ооң шалдаңы дээрге бодуңнуң база шалдаңың болгай. 11Ачаңның кадайының уруу-биле холбашпа. Ол дээрге чаңгыс ададан төрүттүнген кыс дуңмаң-дыр, ооң-биле холбашпа. 12Ачаңның угба-дуңмазы-биле холбашпа. Ол дээрге ачаңның кады төрээни-дир. 13Аваңның угба-дуңмазы-биле холбашпа. Ол дээрге аваңның кады төрээни-дир. 14Ачаңның акы-дуңмазының кадайы-биле холбашпа. Ол дээрге сээң чааваң-дыр. 15Кенниң-биле холбашпа. Ол дээрге оглуңнуң кадайы-дыр, ооң-биле холбашпа c. 16Акыңның азы дуңмаңның кадайы-биле холбашпа d. Ооң шалдаңы дээрге акыңның азы дуңмаңның база шалдаңы болгай.
Copyright information for
TyvTUV