Leviticus 25:39-46
39А бир эвес ха-дуңма чонуңдан ядарай берген бир кижини сеңээ садыптар болза a, аңаа кулдуң кылыр ажылын онаава b. 40Ол сээңиинге хөлезилеттинген ажылчын дег, түр када хөлечииң дег турзун; чүгле Хосталга чылынга чедир сеңээ ажылдап берзин c. 41А ол чыл кээрге, ооң боду-даа, ажы-төлү-даа сээң аалыңдан өг-бүлезинче, ада-өгбезиниң ээлел черинче дедир ээп чана берзин. 42Чүге дээрге израиль чон – египет черден Мээң үндүре берген кулдарым-дыр: оларны кулгулаштыр садып болбас d. 43Оларны каржы-дошкун чагырба e, Бурганыңдан коргуп чор. 44А силерге эр азы херээжен кул турзун деп бодаар болзуңарза, силерни хүрээлээн чоннардан эр азы херээжен кулду садып алыңар. 45Силерниң араңарда чурттап турар даштыкы улустуң уруг-дарыын база садып ап болур силер. Оларның өг-бүлези силерниң чуртуңарга көжүп келгенде төрүттүнген ажы-төлүн база садып ап болур силер. Шак ындыг улус силерниң өнчүңер бооп болур. 46Оларны ажы-төлүңерге өнчү кылдыр арттырып каап болур силер. Ажы-төлүңер кулдарыңарның ээлери болур дээш салгап алыр: оларны кажан кезээде кулданып ап болуруңар ол. А силерниң ха-дуңмаңарны – израиль чонну каржы-дошкуну-биле чагырбаңар.
Copyright information for
TyvTUV