dЫд. ыр. 66:7; 84:13
Leviticus 26:1-13
Дыңнангыр чорук дээш ачы-буян
(Ы. х. к. 11:13-15; 28:1-14)
1«Боттарыңарга хоозун дүрзүлер, кижи холу-биле шуткуп-чазаан бурганнар, ыдыктыг адагаштар кылбаңар база чер-чуртуңарга даш көжээлер тургузуп, оларга мөгейбеңер a; Мен – Дээрги-Чаяакчы Бурганыңар болгай мен! 2Мээң доктаатканым амыр-дыш хүннерин сагыңар база Мээң ыдыктыг черимни хүндүлеңер b. Мен – Дээрги-Чаяакчы-дыр мен! 3Мээң дүрүмнерим ёзугаар амыдыраар болгаш Мээң айтыышкыннарымны сагыыр база күүседир болзуңарза, 4Мен силерге чаъс-чаашкынны чогуур өйүнде бээр мен c; ынчан чер бодунуң дүжүдүн, а шөлдерде ыяштар – чимизин бээр d. 5Виноград чыылдазынга чедир элбек дүжүдүңер бастырарын, а тарылга үезинге чедир элбек виноградыңар чыырын уламчылаар силер. Аъш-чемиңерни тоттур чип, чер-чуртуңарга сагыш амыр чурттаар силер. 6Мен силерниң чуртуңарга амыр-тайбыңны тургузар мен; удуп чыдып аарыңарга, силерни коргудуп-дүвүредир кым-даа турбас e, айыылдыг аңнарны чер-чуртуңардан үндүр сывырар мен f база дайзынның аг-шерии чуртуңар таварып эртпес. 7Дайзыннарыңарны үндүр сывырар силер; оларны хылыш-биле кыргып-хыдып узуткаар силер. 8Силерниң бежиңер чүс кижини, а чүзүңер – түмен шеригни үндүр сывырар g, дайзыннарыңарны хылыш-биле кыргып-хыдып, узуткаар силер. 9Силерже ээ көрүнгеш, хөй ажы-төлдү хайырлап, өстүрүп-көвүдедир мен, силер-биле чагыг-керээмни быжыглаар мен. 10Ооң мурнунда курлавырлап алган дүжүдүңер аажок хөй болур. Чаа дүжүттү шыгжаар дээш, эрги дүжүттү үндүр безин эже бээр силер. 11Чурттаар өргээмни араңарга тургузуп алыр мен h, силерден хая көрүнмес мен. 12Силерниң араңарга чоруп турар мен; силерге Бурган болур мен, а силер Мээң чонум болур силер i. 13Мен – силерни, египетчилерге кулдар болбазыннар дээш, египет черден үндүре берген Бурганыңар Дээрги-Чаяакчы-дыр мен j. Дөңгүңерни чуура шапкаш, оорга-мойнуңарны хөндүрткеш, силерни эдертип аппарган мен».
Copyright information for
TyvTUV