aЫ. х. к. 28:22; 3 Хаан. 8:37; 2 Чыл. 6:28
bБашт. 6:4; Иер. 5:17; Мих. 6:15
cБашт. 2:14; 3 Хаан. 8:33
dИис. 7:4; У. ч. 28:1
fЭ. д. 4:15; Ыд. ыр. 78:12
gЫ. х. к. 32:24
hИса. 3:1; Иез. 4:16; 5:16; 14:13
iИса. 9:20; Мих. 6:14; Агг. 1:6
jЫ. х. к. 28:53; 4 Хаан. 6:29; Ыы. 4:10; Иер. 19:9; Иез. 5:10
k4 Хаан. 23:20; 2 Чыл. 34:5; Иез. 6:5
l4 Хаан. 25:9
mЫ. х. к. 29:24; 3 Хаан. 9:8; Иер. 18:16
nЫ. х. к. 4:27; 28:64; Неем. 1:8; Иер. 9:16; Иез. 12:15; Зах. 7:14
oХост. 23:10-11; Лев. 25:2-7; 2 Чыл. 36:21
pИер. 46:16
qИис. 7:12; Башт. 2:14
r3 Хаан. 8:47; 2 Чыл. 6:37; Неем. 9:2; Дан. 9:4-5

‏ Leviticus 26:14-46

Дыңнангыр эвес чорук дээш кеземче

(Ы. х. к. 28:15-68)

14«А бир эвес Мени тооп дыңнавас, бо бүгү айтыышкыннарны күүсетпес болзуңарза; 15Мээң дүрүмнеримни тооп көрбес, хоойлуларымны херекке албас болзуңарза база ооңар ужун Мээң бүгү айтыышкыннарымны күүсетпестээр болгаш Мээң чагыг-керээмни үрээр болзуңарза, чүү боорул? 16Ынчан Мен база силерни бак көөр мен. Силерже коргунчуг айыыл-халапты: харыксырадыр аарыгларны, халыынны салыр мен a. Ол аарыглардан карактарыңар шылап баксыраар, сеткил-хөңнүңер хинчектенир. Ынчан үрезиниңерни хей черге тарыыр силер, ооңар дайзыннарыңарга чемиш болур b. 17Мен силерге удур боор мен, дайзыннарыңарга аштырып алыр силер c; көрүшпес улузуңар силерни чагырып алыр; силерни кым-даа сүрбейн турда безин, дезип маңнажыр силер d.

18Ол бүгү болуп турда-ла, Мени тооп дыңнавас болзуңарза, бачыттарыңар дээш кеземчени чеди катап көвүдедир мен. 19Күш-шыдалыңарның улуургак чоруун сый шавар мен. Дээрни демир дег, черни чес дег кылып каар мен ▼
▼ Бо сөстерниң утказы мындыг: «Дээр силерже чаъзын чагдырбас, чер силерге дүжүдүн бербес» (Ы. х. к. 28:23 көр).
. 20Ынчан силерниң күчү-күжүңер хей черге харыксырап төнер, чериңер дүжүдүн бербес, черде ыяштар чимизин бербес. 21А бир эвес Меңээ удур хөделиишкин кылып, Мени тооп дыңнаарын күзевес болзуңарза, бачыттарыңар дээш кеземче согуг санын чеди катап көвүдедир мен f. 22Ынчан силерже черлик аң-араатаннарны салыптар мен g. Олар ажы-төлүңерни тудуп алгаш баар, мал-маганыңарны кырып чиптер, силерни эвээжедир узуткап кааптар, оруктарыңар ээнзирей бээр!

23А ол бүгүнүң соонда безин халдавырлыг болур болзуңарза, Меңээ удур хөделиишкин кылыр болзуңарза, 24Мен база силерге удур апаар мен: бачыттарыңар дээш кеземче согуг санын чеди катап көвүдедир мен. 25Чагыг-керээмни үрээниңер дээш, өжээн негээр аг-шеригни силерже ыдар мен. Ынчан хоорайларыңарже чаштына бээр силер, ынчалза-даа силерниң араңарга аарыг-аржыкты нептередиптеримге, дайзынның холунче кире бээр силер. 26Аъш-чемиңер курлавырын узуткап каар мен h, ынчан он херээжен кижиниң шупту арткан далганын быжырарынга чаңгыс-ла суугу четчир база хаарган далганыңарны бичиилеп чедиштирер силер. Ону чигеш, тотпас силер i.

27А бир эвес ооң соонда-даа Мени дыңнавас болзуңарза база Меңээ удур хөделиишкин кылыр болзуңарза, 28Мен килеңней берип, силерге удур апаар мен база бачыттарыңар дээш кеземче согуг санын чеди катап көвүдедир мен. 29Аштааныңардан оолдар-кыстарыңарның эът-бодун чиир силер j. 30Мөгейиишкин кылыр бедик черлериңерни үрегдеп, мөгейип турар адагаштарыңарны бузуп кааптар мен; мөчү-сөөктериңерни дүрзү-бурганнарыңар бузундуларынче октаптар мен k. Мээң сеткилим силерден хөңнү кала бээр. 31Силерниң хоорайларыңарны ээнзиредир мен, ыдыктыг дээн черлериңерни хоозурадыр мен l база өргүлдериңерниң чаагай чыдын таарымчалыг деп көрүп тынмас мен. 32Чер-чуртуңарны хоозурадып каарымга, аңаа чурттай берген дайзыннарыңар безин кайгап-харай бээр m. 33А силерни өске чоннар аразынга тарадыр мен n. Хылыжымны ужулгаш, сооңарже анныр мен. Чер-чуртуңар ээнзирээр, хоорайларыңар үрелип бустур.

34Дайзыннарыңар чуртунче силерни алгаш баар. Чер ынчан бодунуң ээнзиреп-хоозураарының бүгү үезинде дыштанмааны амыр-дыш чылдарының орнун тургузуп алыр. Чер амыр-тамчыын көре бээр, дыштанмааны бүгү амыр-дыш чылдарының орнун тургузуп алыр o. 35Силер аңаа чурттап туруңарда, чер амыр-дыш чылдарында чеже хире амыр-тамчыын көрбээнил, хоозуралының бүгү үезинде шак ол амыр-тамчыын көре бээр. 36А силерден дириг арткан улус канчаарыл? Дайзыннарының чурттарынга оларның чүректеринче коргуушкунну сиңирер мен: хатка чайганган бүрү шылыраарга, хылыш туткан кижи сывыртаан-даа дег, дезип ыңай боорлар. Сүрүп турар кижи чок-даа болза, пет кээп ужарлар. 37Силерни сүрүп турар хылыш туткан кижи-даа бар дег, бот-бодуңарга тептигер силер p. Дайзыннарыңарга удур туржур күжүңер чок болур q. 38Өске чоннар аразынга кырлыр силер, дайзыннарыңар чурту силерни сыырыптар. 39А силерден артып калган улус дайзыннарыңарның чурттарынга боттарының-даа, ада-өгбелериниң-даа кем-буруузу дээш хилинчек көөрлер.

40Ынчан олар боттарының болгаш ада-өгбезиниң кем-буруузун база Меңээ өскерлип, кемниг херектер үүлгеткеннерин, Меңээ удур болуп турганнарын миннирлер r. 41Мээң база оларга удур апарганымны, оларны дайзыннарының чуртунче аппарганымны миннирлер. Бир эвес оларның бачыттыг чүректери томаарый бээр; олар кем-буруузу дээш кеземчени хүлээп алыр болза, 42Мен база Иаков, Исаак болгаш Авраам-биле чарган чагыг-керээлеримни бодап кээр мен; бо чер-чуртту база бодап кээр мен. 43А ооң бетинде ол улус бо черни каггаш чоруптарга, олар чокта, ээнзиреп каар чер дыштанмааны амыр-дыш чылдарының орнун тургузуп алыр. А ол улус кем-буруузу дээш – Мээң хоойлуларымны тоовайн турганы база Мээң дүрүмнеримден хая көрнүп турганы дээш – кеземчени хүлээп алыр. 44Бо бүгү ындыг-даа бооп турза, Мен оларны, дайзыннарының чуртунга турда, тоовайн барбас мен, олардан хая көрүнмес мен. Оларны узуткавас мен база олар-биле чарган чагыг-керээмни үревес мен. Мен дээрге оларның Дээрги-Чаяакчы Бурганы-ла болгай мен! 45Олар дээш, өгбелери-биле чарган чагыг-керээмни бодап кээр мен. Мен оларга Бурган болур дээш, бүгү өске чоннар көрүп турда, оларның өгбелерин египет черден үндүре берген мен. Мен – Дээрги-Чаяакчы-дыр мен!»

46Дээрги-Чаяакчының Синай дагга Моисейни дамчыштыр израиль чонга доктаадып кааны дүрүм-хоойлулар, сургаалдар шак ындыг боор-дур.
Copyright information for TyvTUV