‏ Luke 1:46-55

46Мария мынча дээн a:

«Дээрги-Чаяакчыны мээң сеткилим алдаржыдып тур.
47Камгалакчым болур Бурганым дээш,
мээң ишти-хөңнүм өөрүп-байырлады b,
48чүге дээрге Бодунуң томаанныг, чаржынчыг чалчазынче
Ол ээ көрдү c.
Ынчангаш моон соңгаар бүгү салгалдар
мени амыр-чыргалдыг деп санаар-дыр d.
49Күчүлүг Бурган меңээ өндүр улуг херекти кылып кагды,
Ооң ады ыдыктыг-дыр! e
50Ону хүндүлеп чоруурларны
Ооң энерели салгалдан салгал дамчып бүргей алыр f.
51Ол Бодунуң холунуң күчүзүн көргүстү g:
улуургактарны оларның бодал-сагыжы-биле катай тарадыр сывырыпты.
52Чагырыкчыларны дүжүлгезинден дүжүргеш,
базындырганнарны өрү көдүрүп тур h.
53Аштааннарны кежик-биле магазын хандыргаш i,
байыыргааннарга чүнү-даа бербейн, сывырып тур.
54 55Ада-өгбевиске Боду чугаалааны дег,
Авраамга болгаш ооң салгалынга кезээ мөңгеде
энерелдиг болур дээн аазаашкынын утпайн j,
Бодунуң чалчазы боор израиль чонга Ол дузалады».
Copyright information for TyvTUV