Luke 13:18-21
Горчица үрезини болгаш ажыткы дугайында угаадыглыг чугаалар
(Мф. 13:31-33; Мк. 4:30-32)
18Оон Иисус мынча дээн: «Бурганның Чагыргазы чүге дөмейил база Ону чүнүң-биле дөмейлей көөр мен? 19Ол бир кижиниң сесерлиинге тарып алганы хензиг горчица үрезининге дөмей-дир a, ол үрезин өзүп келгеш, улуг ыяш дег апаарга, дээрниң куштары безин ооң будуктарынга уя тудуп алганнар b». 20Оон улаштыр мынча дээн: «Бурганның Чагыргазын чүнүң-биле дөмейлей көрейн? 21Херээжен кижиниң дыка хөй далганга холааш, бүгү далган хөөй бергижеге чедир булгап турары ажыткыга Ол дөмей-дир» c.
Copyright information for
TyvTUV