bЫд. ыр. 105:1; 118:68
Luke 18:18-30
Иисус болгаш бай кижи
(Мф. 19:16-30; Мк. 10:17-31)
18Бир дарга кижи Иисустан: «Буянныг Башкы! Мөңге амыдыралды алыр дизимзе, мен чүнү кылыйн?» – деп айтырган a. 19Иисус аңаа мынча дээн: «Мени чүге буянныг деп адап тур сен? Чүгле чаңгыс Бургандан өске, кым-даа буянныг эвес b. 20Ооң айтыышкыннарын билир болгай сен: кады чурттаан эжиңге өскерилбе, кижи өлүрбе, оорлава, мегелеп херечилеве, ада-иеңни хүндүлеп чор» c. 21Демгизи: «Мен ол бүгүнү бичиимден-не сагып келдим» – дээн d. 22Ону дыңнааш, Иисус аңаа мынча дээн: «Сенде ам-даа бир чүүл четпейн турар-дыр: бодуңда бар бүгү чүвени садыпкаш, акшазын ядыыларга үлеп беривит, ынчан дээрлерге эртине-байлактыг боор сен e. Оон чедип келгеш, Мени эдерип чорувут». 23Дарга ону дыңнааш, аажок муңгарай берген, чүге дээрге ол кедергей бай кижи чүве-дир. 24Иисус ооң муңгарай бергенин көргеш, мынча дээн: «Бай-шыдалдыг улустуң Бурганның Чагыргазынче кирери дыка-ла берге! f 25Бай кижиниң Бурганның Чагыргазынче киреринден тевениң ине үдүн өттүр эрте бээри белен». 26Ону дыңнаан улус: «Ынчаарга камгалалды кым ап шыдаарыл?!» – деп айтырган. 27Иисус: «Улуска болдунмас чүвени Бурган кылып шыдаар» – деп харыылаан g. 28Пётр ынчан: «Көрүңер даан, бис хамык бар чүвевисти каапкаш, Силерни эдерип чоруптувус» – дээн h. 29– 30Иисус оларга: «Алыс шынны силерге чугаалап тур мен: Бурганның Чагыргазы дээш, бодунуң өг-бүлезин: ада-иезин, акы-дуңмазын, алган кадайын азы ажы-төлүн каапкаш барган кижи i бо үедеги амыдыралында оон оранчок хөйнү, а келир үеде – мөңге амыдыралды алыр» – деп харыылаан.
Copyright information for
TyvTUV