Luke 18:35-43
Согур ядыы кижини экирткени
(Мф. 20:29-34; Мк. 10:46-52)
35Иисус Иерихон хоорайже a чоокшулап кээрге, орук кыдыынга бир согур кижи хайырлал диленип олурган чүве-дир. 36Ооң чаны-биле мөөң чон шуужуп эртип турарын дыңнап кааш, ол чүү болуп турарын айтырган. 37Олар аңаа: «Назарет чурттуг Иисус эртип бар чор» – деп харыылааннар. 38Согур кижи ынчан: «Давидтиң Оглу b, Иисус! Мени кээргеп көрүңер!» – деп алгырып үнген. 39Мурнунга чоруп олурган улус аңаа: «Ыыттава!» – дижип турган, ынчалза-даа согур кижи улам ыыткыр кышкырган: «Давидтиң Оглу! Мени кээргеңерем!» 40Иисус тура дүшкеш, ол кижини эккээрин дужааган. Демгизи чедип кээрге, Ол оон: 41«Менден чүнү күзеп тур сен? Чүнү кылып берейн?» – деп айтырган. Ол кижи: «Дээрги, карактарым көре берген болза!» – деп харыылаан. 42Иисус аңаа мынча дээн: «Карактарың көре берзин! Бүзүрелиң сени экиртип-камгалап кагды!» c 43Согур кижиниң карактары ол-ла дораан көре берген. Ол Бурганны алдаржытпышаан, Иисусту эдерип чорупкан. А бүгү чон, ону көргеш, Бурганны алгап-мактап турган.
Copyright information for
TyvTUV