Luk 20:1-8 | TyvTUV | STEP | Оон Иисус бир-ле катап Бурганның өргээзинге чонну өөредип, Буянныг Медээни оларга медеглеп турда, Бурганның дээди бараалгакчылары болгаш ном-хоойлу тайылбырлакчылары чоннуң баштыңнары-биле кады Аңаа чедип келгеш:

‏ Luke 20:1-8

Иисустуң эрге-чагыргазының дугайында айтырыг

(Мф. 21:23-27; Мк. 11:27-33)

1 Оон Иисус бир-ле катап Бурганның өргээзинге чонну өөредип, Буянныг Медээни оларга медеглеп турда, Бурганның дээди бараалгакчылары болгаш ном-хоойлу тайылбырлакчылары чоннуң баштыңнары-биле кады Аңаа чедип келгеш: 2 «Биске чугаала! Сен бо бүгүнү кандыг эрге-чагырга-биле кылып тур сен? Сеңээ ол эрге-чагырганы кым берди?» – дээннер ^a.

3 Иисус мынча деп харыылаан: «Мен база силерден бир чүве айтырайн, харыылаңарам: 4 Иоанның сугже сугар эргези ^b Бургандан келген бе азы кижилерден бе?»

5 Олар аразында сүмележи бергеннер: «Бир эвес бис: „Бургандан“– дээр болзувусса, Ол: „Ынчаарга силер чүге Иоаннга бүзүревээниңер ол?“ ^c – дээр болгай. 6 А бир эвес: „Кижилерден“– дээр болзувусса, шупту улус бисти даштар-биле соккулап кааптар, чүге дээрге олар Иоанны Бурганның медээчизи деп санаар болгай» ^d. 7 Ынчангаш: «Кымдан дээрзин билбес бис» – деп харыылааннар.

8 Иисус оларга мынча дээн: «Мен база бо бүгүнү кандыг эрге-чагырга-биле кылып турарымны силерге чугаалавас мен».