Luk 22:47-53 | TyvTUV | STEP | Иисус ону чугаалап турда, мөөң чон бо келген, он ийи элчинниң бирээзи болур Иуда дээр кижи оларны баштап чораан . Оон ол Иисусту ошкап каар дээш, Аңаа чоокшулап келген .

‏ Luke 22:47-53

Саттыныкчы чорук болгаш Иисусту тудуп хоругдааны

(Мф. 26:47-56; Мк. 14:43-50; Ин. 18:3-11)

47 Иисус ону чугаалап турда, мөөң чон бо келген, он ийи элчинниң бирээзи болур Иуда дээр кижи оларны баштап чораан ^a. Оон ол Иисусту ошкап каар дээш, Аңаа чоокшулап келген ^{▼▼ Өске бурунгу сөзүглелдерде бо сөстерге «Чүге дээрге ол оларга мындыг демдек айтып берген турган: „Ошкап каарым кижи Ол болур эвеспе“» деп домакты немээн.}. 48 Иисус аңаа: «Иуда, Кижи амытан Оглун таанда-ла ошкаашкын-биле садарың ол бе?» – дээн.

49 Херек кандыг шиглиг апарганын көргеш, Иисустуң чанынга турган өөреникчилери: «Дээрги, хылыштарывыс ^c сегирип алыылы бе?» – деп айтырганнар. 50 Оларның бирээзи Бурганның дээди бараалгакчызының чалчазының оң талакы кулаан хылыш-биле одура шаапкан. 51 Иисус ынчан: «Соксаңар, ам болзун!» – дээн. Оон чалчаның кулаанга холу-биле деггеш, экиртип каан.

52 Ону тудуп хоругдаары-биле келген Бурганның дээди бараалгакчыларынга, Бурганның өргээзиниң таңныылдар даргаларынга база баштыңнарга Иисус мынча дээн: «Силер чүге мени тудуп алыр дээш, хылыштарлыг, моңнарлыг келгениңер ол? Кай, Мен дээрбечи-дир мен бе? 53 Мен хүннүң-не силер-биле кады Бурганның өргээзинге турдум ^d, ынчан силер Меңээ хол дегбээн болгай силер, ынчалза-даа ам – дүмбейге чагырткан силерниң үеңер келген-дир» ^e.