Luke 3:1-9
Иоанн Медеглекчиниң суртаалы
(Мф. 3:1-12; Мк. 1:1-8; Ин. 1:19-28)
1Тиверийниң Римге император болганындан бээр он бешки чылында, Понтий Пилат – Иудеяның чагырыкчызы a, Ирод ▼▼ Ирод – Иисус Христостуң төрүттүнген үезинде Иудеяга хаан турган Улуг Ирод хаанның оглу, адазының өлүмүнүң соонда Галилея болгаш Переяны чагырып эгелээн Ирод Антипа ол-дур.
– Галилеяның башкарыкчызы c, ооң дуңмазы Филипп – Траконит болгаш Итурея девискээрлерниң башкарыкчызы, а Лисаний – Авиленеяның башкарыкчызы турда, 2Анна биле Каиафа d ийи Бурганның дээди бараалгакчылары турган чүве-дир. Ол чылын ээн кургаг ховуга Захарияның оглу Иоаннга e Бурган онзагай медээ чедирген. 3Ооң соонда Иоанн Иордан хемниң ол-бо талаларында черлерни кезип, бачыттары дээш өршээл алыры-биле, Бурганче эглирин база ооң бадыткалы кылдыр сугга суктурарын улуска суртаалдап чораан. 4Ол дугайында Исайя медээчиниң номунда шагда-ла мынчаар бижээн турган: «Ээн кургаг ховуда алгырып турар кижиниң үнү дыңналган:„Дээрги-Чаяакчыга оруктан белеткеңер!
Ооң эртер кокпаларын дорттап бериңер!
5 Ыйгылааш чер бүрүзү оргу апарзын,
бүгү даглар, тейлер чавызай берзин.
Ээр-дагыр оруктар дортталзын,
а оңгул-чиңгил оруктар дескилежи берзин.
6 Бүгү кижи амытан ынчан Бурганның камгалалын көрүп каар!“» f.
7Аңаа сугга суктурар дээш келген мөөң чонга Иоанн мынча деп турган: «Силер, чылан сыскындылары! g „Бурганның кел чыдар килеңинден чайлай бээр бис“– деп, силерни кым сагыш алындырды? 8Бурганче ээлгениңерниң херек кырында үре-түңнелдиин көргүзүңер база: „Бистиң адавыс Авраам“ h – деп сөстер-биле боттарыңарны аргалаарын семевеңер! Бурган бо чыдар даштардан-даа Авраамга ажы-төлдү чаяап шыдаар дээрзин силерге чугаалап тур мен. 9Балды ыяштарның дөзүн кезеринге шагда-ла белен i. Эки чимис бербестээн ыяштарның шуптузун одура кескеш, отче киир октаар» j.
Copyright information for
TyvTUV