Luke 4:1-13
Иисустуң күткүттүрүп турганы
(Мф. 4:1-11; Мк. 1:12-13)
1 Ыдыктыг Сүлдеге бүргеттирген Иисус Иордан хемден ээп кээрге, Сүлде Ону ээн кургаг ховуже аппарган. 2Аңаа Иисус дөртен хүн дургузунда эрликке күткүттүрүп келгеш a, ол үеде чүнү-даа чивээн b, а ол хүннер эрткенде, аажок аштай берген c. 3Ынчан эрлик Аңаа мынча дээн: «Сен шынап-ла Бурганның Оглу болзуңза, бо дашка хлеб болу бээрин дужаавыт». 4Иисус мынча деп харыылаан: «Бижилгеде: „Кижи амытан чүгле хлеб-биле амыдыравас“ ▼▼ Өске бурунгу сөзүглелдерде бо сөстерге «А ол ышкаш Бурганның чугаалаан бүгү чүвезиниң ачызында база» деп сөстерни немээн.
– деп бижээн болгай» e. 5Эрлик Иисусту бедик черже үндүре бергеш, карак чивеш дээр аразында делегейниң хамык күрүнелерин Аңаа көргүскен. 6Оон эрлик Аңаа мынча дээн: «Сеңээ бо бүгү күрүнелерни оларның эрге-чагыргазы болгаш өндүр-чаагайы-биле катай-хаара бериптер мен, чүге дээрге ол бүгү мээң эргемде f; ону күзээн кижимге берип боор мен. 7Меңээ мөгеер-ле болзуңза, бо бүгү Сээңии болур». 8Иисус мынча деп харыылаан: «Бижилгеде: „Чүгле Дээрги-Чаяакчы Бурганыңга мөгейип чор, чүгле Аңаа бараан бол“ – деп бижээн болгай» g. 9Ооң соонда эрлик Ону Иерусалимге эдертип эккелгеш, Бурганның өргээзиниң кырының эриинге тургускаш, мынча дээн: «Бурганның Оглу шын болзуңза, моон черже шурай бер, 10– 11чүге дээрге Бижилгеде „Ол Бодунуң төлээлеринге Сени камгалаар кылдыр чагыг бээр“ деп база „Олар сени, буттарың дашка илдикпезин дээш, холдары-биле көдүрүп аарлар“ деп бижээн ийик чоп» h. 12Иисус мынча деп харыылаан: «„Дээрги-Чаяакчы Бурганыңны шеневе“ i – деп чугаалаан болгай». 13Эрлик ынчан Иисусту күткүдерин соксаткаш, эптиг өйге чедир Ону каапкаш, чоруй барган.
Copyright information for
TyvTUV